कांग्रेस सहमहामन्त्री यादव आईसीयूमा

राजनीति

नेपाल लाइभ बुधबार, भदौ २०, २०८० १८:३८

काठमाडौं- नेपाली कांग्रेसका सहमहामन्त्री महेन्द्र यादवको आईसीयूमा राखेर उपचार भइरहेको राष्ट्रिय ट्रमा सेन्टरले जनाएको छ। ट्रमा सेन्टरका प्रमुख मेडिकल सुपरिन्टेण्डेण्ट डा बद्री रिजालले एक विज्ञप्ति जारी गर्दै चिकित्सकको निगरानीमा आईसीयूमा उपचार भइरहेको बताएका छन्।

उनको टाउकोको पछिल्लो भाग तथा गर्धनमा धारिलो हतियार प्रयोग भएकाले त्यसका कारण गहिरो घाउ भई रक्तश्राव भएको उनले बताएका छन्। न्युरोसर्जरी/अर्थोपेडिक सर्जरीबाट विज्ञ डाक्टरहरूद्वारा अपरेसन गरी रक्तश्राव रोकिएको र घाउमा टाँका लगाइएको अस्पतालले जनाएको छ।

उनलाई चिकित्सकको निगरानीमा राखिएको र स्वास्थ्य अवस्था स्थिर रहेको विज्ञप्तिमार्फत् जनाइएको छ।

यादवमाथि काठमाडौंको भृकुटीमण्डपस्थित रिपोर्टर्स क्लबमा आयोजित साक्षात्कार कार्यक्रम एक व्यक्तिले खुकुरी प्रहार गरेका थिए। दर्शक दीर्घाको पहिलो लहरमा बसेर भाषण सुनेका नुवाकोटका ४७ वर्षीय श्याम सापकोटाले यादव भाषण गरेर बाहिर निस्कँदै गर्दा उनलाई पच्छ्याएर खुकुरी प्रहार गरेका थिए।

प्रहरीले पक्राउ गर्दैगर्दा सापकोटाले ‘हाम्रो राजा हाम्रो देश, प्राणभन्दा प्यारो छ’, ‘एमसीसी खारेज गर्’ भन्दै कराएको सार्वजनिक भएको भिडिओमा सुनिन्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्वास्थ्य बीमा हटाउने होइन, व्यवस्थित गर्ने हो –मन्त्री पौडेल

गैह्रकानूनी कार्य गर्ने एकजना बंगलादेशी नागरिक पक्राउ

कांग्रेस स्थानीय तह समन्वय विभागमा १० जनाको नाम मनोनित