काठमाडौं– एमाले सांसद सुनिता बरालले संस्कृति पर्यटन तथा नागरिक उड्डयनमन्त्री सुदन किराँतीको अभिव्यक्तिप्रति आपत्ति जनाएकी छन्।
सोमबार सिंहदरबारमा बसेको प्रतिनिधि सभाको अन्तर्राष्ट्रिय सम्बन्ध तथा पर्यटन समिति बैठकमा उपस्थित मन्त्री किराँतीलाई बरालले ‘मन्त्रालय कसले चलाउँछ’ भन्नेबारे थाहा नभएको भन्ने अभिव्यक्ति गैरजिम्मेवार भएको उल्लेख गरिन्।
यस्तै उनले मन्त्रालयको बजेट कसले बनाएको भन्नेबारे थाहा नभएको र टिकटमा लगाइएको भ्याटबारे पनि अनभिज्ञता प्रकट गरेकामा आपत्ति जनाइन्। ‘मन्त्रीज्यूले मन्त्रालय नै कसले चलाउँछ भन्ने थाहा नभएको बताउँदै हिँड्नुभएको छ । टिकटमा भ्याट लागेको कुरा थाहा छैन, मन्त्रालयको बजेट कसरी बन्यो भन्ने पनि थाहा पाइन भन्ने उहाँको कुरा ठीक भएन’, बरालले भनिन्, ‘पर्यटन मन्त्रालयसँग सम्बन्धित विषयमा मन्त्रीलाई थहा हुँदैन भने हामीले कसलाई थाहा हुन्छ?’
उनले आफूलाई मन्त्रालयबारे केही थाहा छैन भन्नुभन्दा काम गर्न नसकेको स्वीकार गर्नु बुद्धिमानी हुने सुझाव मन्त्री किराँतीलाई दिइन्। मन्त्रालय कसले चलाइहरेको छ र कसले काम गर्न नदिएको हो भन्नेबारे समितिलाई जानकारी चाहिने उनको भनाइ थियो।
प्रधानमन्त्रीको तहबाट काममा अवरोध आएको भए आफूहरुलाई जानकारी गराउन भन्दै बरालले त्यसमा सहजीकरण गर्न समिति लाग्ने उल्लेख गरिन्। ‘मन्त्रीले नै त्यस्ता कुरा गर्दै हिँडेपछि पर्यटन मन्त्रालयको नेतृत्व को हो भन्ने प्रश्न उठेको छ,’, उनले भिनन्, ‘मन्त्रीज्यूले थाहा छैन होइन मेरो ठाउँबाट मैले सकिन मभन्दा माथि प्रधानमन्त्रीज्यूकहाँ जानुपर्छ भनेर लाग्नुभयो भने हामी पनि लागौंला।’
फरक प्रसंगमा उनले नेपालका विमानस्थलहरुमा पटकैपिच्छे मन्त्रीहरुले आफ्ना मानिस कर्मचारीमा भर्ती गर्ने गरेका कारण दक्ष जनशक्तिको अभाव रहेको औंल्याइन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1740411035.jpg)
-1740410587.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
