पेप्सीकोलामा बस र बोलेरो ठोक्किँदा १४ जना घाइते

समाचार

नेपाल लाइभ आइतबार, भदौ १७, २०८० ०९:२८

काठमाडौं– आइतबार बिहानै काठमाडौं महानगरपालिका–३२ स्थित पेप्सीकोलाको छाप्रोमा बस र बोलेरो एक आपसमा ठोक्किँदा १४ जना घाइते भएका छन्।

बिहान करिब साढे ७ बजेतिर जडिबुटीदेखि पेप्सीकोलातर्फ जाँदै गरेको क्षेत्रीय उपत्यका बस व्यवसायी संघको बा ३ ख ४८४८ नम्बरको बस र विपरीत दिशाबाट आएको बा ६ च ५३४२ नम्बरको बलेरो गाडी एक आपसमा ठोकिँएको थियो।

साथै उक्त दुर्घटनामा बा.प्र.०२-०३७ प ५३११ नम्बरको डिओ स्कुटर र बा.प्र.०२-०४१ प ४८३८ नम्बरको एफ–जेट मोटरसाइकल पनि ठोक्किएका थिए।

दुर्घटनामा घाइते भएका १४ जनामध्ये ८ जनाको पेप्सीकोलास्थित मदरल्यान्ड अस्पतालमा र बानेश्वरस्थित सिभिल अस्पतालमा ६ जनाको उपचार भइरहेको प्रहरीले जनाएको छ।

बस चालक रामेछापको लिखुतामाकोशी गाउँपालिका वडा नम्बर ०२ घर भई हाल पेप्सिकोला बस्ने २४ वर्षीय जनक राउतलाई प्रहरीले नियन्‍त्रणमा लिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हावाहुरीले रुख ढल्दा च्यापिएर सुनवलमा २ जनाको मृत्यु

राप्रपा वरिष्ठ उपाध्यक्ष रवीन्द्र मिश्रलाई थुनामुक्त गर्न सर्वोच्चको आदेश

ट्रम्पको पश्चिम एसिया भ्रमण सम्पन्न