स‍ेनाले निर्माण गरिरहेका आयोजनाको स्थलगत अवलोकन गर्दै यातायातमन्त्री ज्वाला

समाचार

नेपाल लाइभ बुधबार, भदौ १३, २०८० १३:५८

काठमाडौं- भौतिक पूर्वाधार तथा यातायातमन्त्री प्रकाश ज्वालाले सडक निर्माणको जिम्मा लिएको नेपाली सेनासँग छलफल गर्ने भएका छन्। मन्त्री ज्वालाले भदौ १८ गते सेनासँग छलफल गर्ने कार्यक्रम तय भएको छ।

मन्त्री ज्वालाले सडक विभागअन्तर्गत सञ्चालन भएका आयोजनाको ‘टायम कार्ड’ लागू गरेका छन्। तर नेपाली सेनाले आयोजना गरेका आयोजनाको तालिका बनेको छैन। तालिका बनाउन पनि छलफल कार्यक्रम राखिएको उनको सचिवालयले जनाएको छ।

लामो समयदेखि भौतिक पूर्वाधारका क्षेत्रमा पनि काम गर्दै आएको नेपाली सेनाले हाल ५ आयोजनामा निर्माण गरिरहेको छ।

नेपाली सेनाले निर्माण गरिरहेका कतिपय आयोजना सन्तोषजनक नभएपछि मन्त्री ज्वालाले छलफल गर्न लागेका हुन्। काठमाडौं–तराई मधेश फास्ट ट्रयाकमा भनेजति काम हुने सकेको छैन भने कर्णाली कोरिडोरमा पनि सन्तोषजनक काम भएको छैन।

‘मन्त्रीज्यूले १८ भदौमा नेपाली सेनासँग छलफल गर्ने कार्यक्रम तय गर्नुभएको छ,’ मन्त्रीका निजी सचिव रामहरि शर्माले भने, ‘छलफलपछि मन्त्रीज्यू आफै स्थलगत भ्रमणमा पनि जाने कार्यक्रम तय भएको छ।'

नेपाली सेनाले काठमाडौं–तराई मधेश, कोशी करिडोर, गोरखाको लार्के भञ्याङ, कर्णाली करिडोरको खुलालु र सल्लीसल्ला, दार्चुला टिंकर सडक निर्माण गरिरहेको छ। यी सबै ठाउँको स्थलगत अध्ययन गर्ने कार्यक्रम मन्त्री ज्वालाले बनाएको सहसचिव अर्जुन थापाले बताए।

काठमाडौं-तराई मधेश फास्ट ट्रयाकको पछिल्लो समय डीपीआर संशोधन भएको छ। डीपीआर संशोधनपछि लागत मुल्य २ अर्ब २ करोड घटेको छ भने निर्माणको समय पनि घटेको छ। टनेल थपिँदा बाटोको लम्बाई पनि कम भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

शोभाकान्त पौडेल सचिवमा बढुवा

महिला टी–२० विश्वकप एसिया छनोटः नेपाल र बहराइन खेल्दै

गण्डकी प्रदेशसभाको बजेट अधिवेशन जेठ ११ गते बोलाउन सिफारिस