काठमाडौं– नेकपा एमालेका अध्यक्ष केपी शर्मा ओलीले यती, ओम्नी र गिरीबन्धु टी इस्टेटलगायतका प्रकरणबारे छानबिन गर्न सरकारलाई चुनौती दिएका छन्। काठमाडौंमा आयोजित जनप्रतिनिधिसँगको अन्तरक्रिया कार्यक्रमलाई सम्बोधन गर्दै उनले उक्त चुनौती दिएका हुन्।
यती होल्डिङ्स भनेर कराइराखेको भन्दै उनले यति, वाइडबडीलगायतका प्रकरणमा छानबिन गरेर आफै जेल जान भनेका हुन्। अस्तिसम्म ललिता निवास भन्दै छानबिन गर्ने भनेकोमा अहिले सत्ता पक्षका नेताहरूकै भागाभाग भएको बताए। उनले भने, ‘अस्तिसम्म ललितानिवास ललिता निवास भन्दै थिए। अहिले कस्तो भागाभाग छ। कोही यताको ढोकाबाट, कोही उताको ढोकाबाट। हामीलाई भन्दैथे त ललिता निवास भनेर, अहिले एउटा यताबाट गुटुटुटु कुद्छ, अर्को उताबाट कुद्छ। गर न छानबिन।’
उनले आफूहरूले गिरीबन्धु टी इस्टेटको कानुन बनाएर कानुनसम्बत गर्न लगाएको बताए। उनले ५३ सालमा १९ बिघा र ६० सालमा ५१ बिघा कमिसन खाएर बेच्न दिइएको आरोप लगाए। उक्त समयमा नेपाली कांग्रेसका सभापति शेरबहादुर देउवा प्रधानमन्त्री रहेका थिए। उनले भने, ‘अहिले चिया बगानको कुरा निस्केको छ। गर न छानबिन, बिना कानुन ०५३ सालमा १९ बिघा जमिन बेच्न दिइएको थियो कमिसन खाएर, त्यसको छानबिन गर । ०६० कि कति सालमा बिना कानुन ५१ बिघा जमिन बेच्न दिइएको थियो, कमिसन खाएर, छानबिन गर जेल जाऊ।’
उनले एमाले कमिसनका पछाडि कुद्ने नभई महान् उद्देश्यका साथ हिँड्ने पार्टी भएको दाबी गरे। ओम्नीबारे आफूले नदेखेको सुनेको मात्रै पनि दाबी उनले गरे। उनले भने, ‘ओम्नी अरे! मैले पत्रिका पढेर थाहा पाएको। के हो ओम्नी? मैले देखेको पनि छैन। सुनेको मात्रै हो। गर न छानबिन।’
उनले सरकार भ्रष्टहरूको हुँइया भन्दे उल्टै भ्रष्टहरूले आफूलाई थर्काएको बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1738557849.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
