पत्थरीको अपरेशनका क्रममा मिर्गौला नै झिकेपछि बिरामीको मृत्यु

समाचार

नेपाल लाइभ सोमबार, भदौ ११, २०८० ११:२२

धनगढी– कैलालीको धनगढीस्थित स्वस्तिक अस्पतालमा उपचारका क्रममा १ व्यक्तिको मृत्यु भएको छ। कञ्चनपुरको बेलौरी नगरपालिका–१० शिवनगरका ५७ वर्षीय ऐजनलाल चौधरीको अस्पतालमा मृत्यु भएको हो।

पत्थरीको बिरामी उनको उपचारका क्रममा मृत्यु भएको अस्पतालले जनाएको छ। चौधरीका भतिजा राजकुमार चौधरीका अनुसार दुवै मिर्गौलामा पत्थरीले गर्दा समस्या आएपछि भदौ ९ गते शनिबार उनलाई अस्पताल भर्ना गरिएको थियो। उनको बायाँ मिर्गौलामा ११ एमएम र ९ एमएम गरी २ वटा पत्थरी थिए भने दायाँ मिर्गौलामा साढे ९ एमएमको पत्थरी थियो।

अस्पतालका डाक्टर जोनस तिवारीले बायाँ मिर्गौलाको पत्थरीको अपरेशनको क्रममा मिर्गौला नै झिक्दा अत्याधिक रक्तश्राव भइ बिरामीको मृत्यु भएको जनाए। मृतकका भतिजा राजकुमारले भने, ‘सबै परीक्षणपछि सवा १ बजे अपरेशनका लागि अपरेशन थिएटर लगियो। सुरुमा अपरेशन सफल भयो भनियो। हामीमा खुसीको सीमा थिएन। तर जब साँझ ७ बज्यो बिरामी बेहोस भए। उनको पेट पुरै फुल्यो। बुझ्दा किड्नीको नशा काटिएर रक्तश्राव भएछ। पछि पुनः डाक्टरले अपरेशन गरे र किड्नी नै झिकिदिए। बिरामीको अवस्था झन बिग्रियो। त्यसपछि डाक्टरले अब सकिँदैन भनेर निस्किए।’

अस्पतालका अध्यक्ष महेश जोशीले अपरेशनका क्रममा मृत्यु हुनुको कारण अहिले नै भन्न नसकिने बताए। उनले भने ‘उपचारका क्रममा बिरामीको मृत्यु हुनुको कारणबारे चिकित्सकसँग आधिकारिक जानकारी नआएसम्म केही भन्न सकिदैन्।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दक्षिण कोरियाका राष्ट्रपति युन महाभियोगपछि पदबाट निलम्बित

पार्टी जीवनमा समस्या देखियो: महासचिव पोखरेल

जसपा नेपालले सङ्गठन निर्माण अभियानलाई माघ मसान्तसम्म जारी राख्ने