संसदीय समिति सभापतिका लागि एमालेले टुंग्यायो उम्मेदवार

राजनीति

नेपाल लाइभ आइतबार, भदौ १०, २०८० १०:३८

काठमाडौं– प्रमुख प्रतिपक्षी दल नेकपा एमालेले संसदीय समितिको सभापतिमा आफ्नो तर्फबाट उम्मेदवारी दिने प्रतिनिधि सभा सदस्य (सांसद)हरुको नाम टुंगो लगाएको छ।

संसदीय समितिको सभापतिका लागि प्रमुख प्रतिपक्षी दल एमालेले सत्ता पक्षका दलहरुसँग सहमति गरेको छ। सत्ता पक्षसँगको सहमतिका आधारमा भागबण्डा मिलाएर एमालेले ३ वटा समितिको नेतृत्व पाएको छ।

एमालेले पाएका तीन समिति सभापतिमा सार्वजनिक लेखा समितिको सभापति मोरङबाट निर्वाचित ऋषिकेश पोखरेलले उम्मेदवारी दिने भएका छन्। महिला तथा सामाजिक मामिला समितिको सभापतिको उम्मेदवार रौतहटबाट निर्वाचित किरणकुमार साहलाई बनाइने भएको छ।

एमालेले पाएको अर्को समिति हो राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समिति (संयुक्त)। प्रतिनिधि सभा र राष्ट्रिय सभाको संयुक्त समितिको सभापतिका लागि एमालेले विमला घिमिरेलाई उम्मेदवार बनाउने निर्णय गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शिक्षामन्त्री भट्टराई त्रिवि शिक्षण अस्पतालमा भर्ना

सुनको मूल्यमा नयाँ रेकर्ड

प्रकृति लम्सालका बुवालाई प्रधानमन्त्रीको फोन- भइसकेको कुरा फर्काउन सकिँदैन,निष्पक्ष छानबिनको पहल जारी छ