लागुपदार्थ सेवन गरी सवारी चलाउन ३ चालक नियन्त्रणमा

समाचार

नेपाल लाइभ शुक्रबार, भदौ ८, २०८० २१:४२

काठमाडौं- लागुपदार्थ सेवन गरी सवारी चलाउने ३ जना चालकलाई ट्राफिक प्रहरीले नियन्त्रणमा लिएको छ। शुक्रबार भक्तपुरको जगातीमा गरिएको चेकिङका क्रममा लागुपदार्थ सेवनगरी सवारी साधन चलाउँदै गरेका ३ जना चालकलाई ट्राफिक प्रहरीले नियन्त्रणमा लिएको छ ।

नियन्त्रणमा आउनेमा सर्लाहीको लालबन्दी-१६ परवानीपुरका २८ वर्षीय जनक, धनुषाको जनकपुर-७ का ३८ वर्षीय प्रभाष कुमार झा र दोलखा भिमेश्‍वर नगरपालिका-६ का ४२ वर्षीय सन्तोष भण्डारी रहेका छन् ।

नियन्त्रणमा लिएका तिनै जनालाई आवश्यक अनुसन्धान तथा कारबाहीका लागि प्रहरी वृत्त जगातीमा पठाइएको छ ।

नेपाल प्रहरी अस्पतालको प्राविधिक सहयोगमा काठमाडौं उपत्यका ट्राफिक प्रहरी कार्यालय, लागुऔषध नियन्त्रण ब्युरो र प्रहरी वृत्त जगातीको संयुक्त टोलिले शुक्रबार १४ ओटा सवारी साधनका चालकलाई चेक गर्दा ३ जना भनेलागुपदार्थ सेवन गरी सवारी साधन चलाइरहेको अवस्थामा फेला परेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

गाजाको एक अस्पतालमा इजरायली आक्रमणमा परी २८ जनाको ज्यान गयो, दर्जनौं घाइते

सिरियामाथि लगाएका सबै प्रतिबन्ध हटाउने ट्रम्पको घोषणा

प्रतिनिधिसभा बैठक बस्दै, यस्तो छ कार्यसूची