काठमाडौं- धरान उपमहानगरपालिका मेयर हर्क साम्पाङ राईका नाममा उच्च अदालत विराटनगरले व्यक्तिगत जग्गामा जबरजस्ती नगर्न अन्तरिम आदेश जारी गरेको छ। बिहीबार उच्च अदालतका न्यायाधीश दिनेशप्रसाद यादवको एकल इजलासले प्याराग्लाइडिङ व्यवसायी रोशन अधिकारी र रोजिना अधिकारीको जमिनमा प्रवेश गरेर विरुवा रोप्न खोजेको विवाद सम्वन्धी रिटमा यस्तो आदेश जारी गरेको थियो।
विगतमा पनि अदालत गएर आफूहरुले अन्तरिम आदेश ल्याएको तर मेयर साम्पाङले अटेर गरेर विरुवा रोप्ने कार्य गरेको दाबी गर्दै उनीहरुले दोस्रो रिट दायर गरेका थिए। यसअघि साउन ११ गते उच्च अदालत, विराटनगरका न्यायाधीश मिलनकुमार राईको इजलासले अन्तरिम आदेश जारी गर्दै ‘मुद्दाको अन्तिम किनारा नलागेसम्म उक्त जग्गामा अनधिकृत रूपमा प्रवेश नगर्न, वृक्षरोपण गर्ने कार्य नगर्न, नगराउन’ भनेको थियो। तर, गएको सोमबार मेयर साम्पाङ फेरि जमिनमा पुगेर घर भत्काइदिने धम्की दिएको भिडिओ सार्वजनिक भएको थियो।
मेयर साम्पाङले धरान-४ स्थित छोटी मोरङ डाँडामा रहेको जमिन सरकारी भएको भन्दै जबर्जस्ती बिरूवा रोपेको भन्दै अधिकारी दम्पत्तिले अदालतमा रिट हालेका थिए।
उच्चले व्यक्तिगत जग्गामा प्रवेश गरि गतिविधि गर्ने कार्य गर्ने अधिकार स्थानीय सरकारको समेत नभएको भन्दै मुद्दाको फैसला नभएसम्म कुनै गतिविधि नर्गन मेयर साम्पाङलाई भनेको छ।
अदालतले अन्तरिम आदेशमा व्यक्तिको जग्गामा जबर्जस्ती प्रवेश नगर्न र जग्गाधनीलाई धरपकड नगर्न पनि भनेको छ। बिहीबार अदालतबाट यस्तो आदेश जारी भएपछि मेयर साम्पाङले अदालतको निर्णय आफूले स्वागत गर्ने बताएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
