'ब्रह्माण्ड'को टिजर तीन भाषामा

सिनेमा

नेपाल लाइभ बुधबार, भदौ ६, २०८० १०:३०

काठमाडौँ– कान्तिपुर फिल्म एकेडेमी र टोपी स्टुडियोजको संयुक्त निमार्ण रहेको नेपाली वेब सिरिज 'ब्रह्माण्ड'को टिजर सार्वजनिक भएको छ।

टिजर नेपाली, अंग्रेजी र हिन्दी गरी तीन भाषामा सार्वजनिक गरिएको छ।

ओटीटी प्लेटफर्मको लागि आवश्यक अन्तर्राष्ट्रिय मापदण्ड पूरा गर्दै यो सिरिज बनाइएको निमार्ण पक्षले जनाएको छ।

एकेडेमीले सिरिज निर्माणको थालनी गरेसँगै नेपालको अहिलेसम्मकै ‘ह्याभी वेट’ सिरिज भनेर चर्चा समेत हुन थालेको छ।

आठ भागमा निर्माण भएको यो सिरिजको प्रत्येक भाग एकएक घण्टाको हुनेछ। रियाज नाटककार यसका निर्देशक हुन् भने सागरराज आचार्य कार्यकारी निर्माता हुन्। एकेडेमीका सिईओ प्रकाश पुरी सिरिजका क्रिएटिव प्रोड्यूसर हुन्।

पुरुषोत्तम प्रधानको सिनेम्याटोग्राफी रहेको सिरिजमा अर्पण थापा, सुनिल थापा, भोलाराज सापकोटा, निशा अधिकारीसँगै राजन खतिवडा, सरिता गिरी, माओत्से गुरुङ, सुरज विष्ट, सुप्रज्ञा शर्मा र सञ्जय ढुङ्गानाको पनि अभिनय छ। सिरिजबाट सुप्रज्ञा र सञ्जयले डेब्यु गर्दैछन्।

केही समयअघि एकेडेमीले ‘मिस स्कार्लेट’ नामक साइको थ्रीलर सिरिजको टिजर पनि सार्वजनिक गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकी डलरको भाउ बढ्यो, यस्तो छ अन्यको विनिमय दर

सुदूरपश्चिमबाट मौसम बदली सुरु, पुनःचिसो बढ्न सुरु

परराष्ट्रमन्त्री डा राणा स्वदेश फिर्ता