काठमाडौं- बिमेस्टेक सम्मेलनमा भाग लिन आएका भारतीय प्रधानमन्त्री नरेन्द्र मोदीको भ्रमणका समयमा पक्राउ परेका ग्रेटर नेपालको अभियान सञ्चालक फडिन्द्र नेपाल २४ घन्टाभित्र उपस्थित गराउन सर्वोच्च अदालतले आदेश गरेको छ।
अधिवक्ता सुजीत केसीले नेपाललाई पक्राउ गर्नु गैरकानुनी भएको दाबी गर्दै १७ गते बन्दी प्रत्यक्षीकरणको निवेदन दर्ता गराएका थिए।
उक्त निवेदनमा पहिलो सुनुवाई गर्दै न्यायाधीश आनन्दमोहन भट्टराईको इजलाशले सर्वोच्च झिकाउन आदेश गरेको हो। गत बिहिबार भारतीय प्रधानमन्त्री मोदीको सवारीका बेला कालो झण्डा देखाउन सक्ने आशंकामा प्रहरीले उनलाई पक्राउ गरेको थियो।
उनलाई चाबहिलस्थित निवासबाट पक्राउ गरिएको थियो। उनी सुगौली सन्धिभन्दा अगाडि रहेको नेपालको भूभाग नेपालमै फर्काइनु पर्ने अभियानमा सञ्चालन गर्दै आएका छन्।
यसअघि भारतीय पूर्व राष्ट्रपति प्रणव मुखर्जी नेपाल आउदाँ पनि पक्राउ परेका थिए। तत्कालीन समयमा उनी आफै रिहा भएका थिए। तर पछिल्लो पटक मुलुकी संहितामा कुनै पनि व्यक्तिलाई अभियोग बिना पक्राउ नगर्ने व्यवस्था गरे पनि नेपाललाई त्यसको वेवास्ता गर्दै प्रहरीले पक्राउ गरेको दाबी निवेदनमा छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771572939.png)
-1771566457.png)
-1764146706.png)
