भुटानी शरणार्थी प्रकरणको अनुसन्धानमा सक्रिय श्याम ज्ञवालीसहित पाँच एआईजीको सरुवा

सुरक्षा/अपराध

नेपाल लाइभ शनिबार, भदौ २, २०८० १६:३७

काठमाडौं– नक्कली भुटानी शरणार्थी प्रकरणको अनुसन्धान गरिरहेका नेपाल प्रहरीका श्याम ज्ञवालीसहित पाँच जना प्रहरी अतिरिक्त महानिरीक्षक (एआईजी)हरुको सरुवा भएको छ।

केही दिनअघि बसेको मन्त्रिपरिषद्को बैठकले उनीहरुको सरुवा गरेको हो। भुटानी शरणार्थी प्रकरणमा अनुसन्धान गरिरहेका काठमाडौं उपत्यका प्रहरी कार्यालयका एआईजी ज्ञवालीलाई प्रहरी प्रधान कार्यालय कार्यविभागमा सरुवा गरिएको छ।

केही दिनअघि कांग्रेस सभापति शेरबहादुर देउवाले प्रधानमन्त्री पुष्पकमल दाहाल प्रचण्डलाई भेटेर नक्कली भुटानी शरणार्थी प्रकरणको अनुसन्धानमा संलग्न अधिकारीहरुलाई सरुवा गर्न दबाब दिएको समाचारहरु बाहिरिएका थिए।

ज्ञवालीकै टिमले पूर्वगृहमन्त्री कांग्रेसका बालकृष्ण खाण र पूर्वउपप्रधानमन्त्री एमाले सचिव टोपबहादुर रायमाझीलाई पनि पक्राउ गरेको थियो।

यस्तै कार्य विभागकी एआईजी मीरा चौधरीलाई प्रशासन विभागमा सरुवा गरिएको छ भने प्रशासन विभागमा रहेका एआईजी दीपक थापालाई भने उपत्यका प्रहरी कार्यालयमा ल्याइएको छ।

मानवस्रोत विभागका एआईजी सन्दीप भण्डारीको राष्ट्रिय प्रहरी प्रशिक्षण प्रतिष्ठानमा सरुवा गरिएको छ। प्रतिष्ठानका एआईजी टेकप्रसाद राईलाई भने मानवस्रोत विभागमा सरुवा गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इजरायल र हमासबीच गाजामा युद्धविराम गर्ने सहमति, बन्धक रिहाइको बाटो खुल्यो

आज कांग्रेसका मन्त्रीहरुसँग छलफल गर्दै सभापति देउवा

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह