नवलपरासी- साबिक नवलपरासी जिल्लाबाट द्वन्द्वकालको अवधिमा १६ जना बेपत्ता र २१६ जनाको द्वन्द्वका कारण मृत्यु भएको भए पनि १० परिवार राहतबाट वञ्चित भएका छन्।
इन्सेक पश्चिम नवलपरासीका अनुसार साबिक नवलपरासी जिल्ला र सङ्घीय संरचनाअनुसार पश्चिम नवलपरासी र पूर्वी नवलपरासी गरी दुवै जिल्लाको सो तथ्याङ्क हो। दुवै जिल्लामा गरी १६ जना बेपत्ता भएकामा चार जना बालकको सङ्ख्या रहेको छ भने मृतक २१६ जनामा सात जना महिलाको सङ्ख्या रहेको पश्चिम नवलपरासीका इन्सेक प्रतिनिधि नारायण पराजुलीले जानकारी दिए।
द्वन्द्व प्रभावित मृतक र बेपत्ता परिवारजन कूल २३२ परिवारमध्ये २२२ जनाको परिवारजनले मात्र राज्यबाट राहत रकम प्राप्त गरेका छन्। बाँकी १० जनाको परिवारजनले हालसम्म सो राहत रकमसमेत प्राप्त गर्न नसकेको इन्सेक प्रतिनिधि पराजुलीको भनाइ छ।
राज्यले बेपत्ता परेका परिवारलाई रु १० लाखभन्दा बढी अन्य सुविधा प्राप्त गर्न नसकेको अवस्था देखिन्छ।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_PJ3Pux3W9j-1771414611.jpg)
-1764146706.png)
