कैदी मृत्यु प्रकरणमा असईसहित १० जना प्रहरी पक्राउ

सुरक्षा/अपराध

नेपाल लाइभ शुक्रबार, साउन २६, २०८० १२:२२

काठमाडौं- कारागार कार्यालय संखुवासभामा २ जना कैदीको मृत्यु भएको घटनामा असईसहित १० जना प्रहरी पक्राउ परेका छन्। उनीहरुलाई सोधपुछका लागि नियन्त्रणमा लिइएको कोशी प्रदेशका डीआईजी राजेशनाथ बास्तोलाले बताए।

यस घटनामा यसअघि जिल्ला प्रहरी कार्यालय संखुवासभाले ९ जना कैदीलाई नियन्त्रणमा लिएको थियो। उनीहरुलाई कारागारामा राख्दा सुरक्षा खतरा भएका कारण ट्रान्सफर गरेर घटनाको छानबिन गरेको थियो।

संखुवासभा कारागारमा रहेका कैदीहरु मादी नगरपालिका–५ का १९ वर्षीय विनोद तोलाङ्गी र नुवाकोट ककनी गाउँपालिका–७ का २८ वर्षिय आकाश बलामीको बुधबार बिहान मृत्यु भएको थियो।

उनीहरु मंगलबार राति जेलको रड काटेर भागेका थिए। भाग्दै गर्दा प्रहरीले उनीहरुलाई पक्राउ गरेर ल्याएर जेलमै राखेको थियो। पछि राति २ बजेतिर अन्य कैदीहरुले उनीहरु २ जना गम्भीर बिरामी भएको भन्दै जानकारी गराएपछि अस्पताल लगिएको थियो। अस्पतालमा उपचारका क्रममा उनीहरुको मृत्यु भएको थियो।

यो घटनाको छानबिन गर्न संखुवासभाका सहायक प्रमुख जिल्ला अधिकारी मोहनमणि अधिकारीको संयोजकत्वमा ३ सदस्यीय छानबिन समिति बनाइएको छ। अधिकारीको समितिले १० दिनभित्र घटनाको छानबिन गरेर रिपोर्ट दिने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बीमाको रकम हत्याउन भारतीय प्रेमीसँग मिलेर श्रीमानको हत्या

सरकारमा सहभागी मन्त्रीहरुसँग देउवाले लिए कार्यप्रगतिबारे जानकारी

बलिउड अभिनेता सैफ अली खानमाथि छुरा प्रहार