युके बस्दै आएकी युवतीसँग टिकटकमार्फत् चिनजान, काठमाडौं बोलाएर बलात्कार

सुरक्षा/अपराध

नेपाल लाइभ बिहीबार, साउन २५, २०८० ११:०१

काठमाडौं– युके (बेलायत) बसेकी युवतीसँग टिकटकमार्फत् चिनजान गरी काठमाडौं बोलाएर बलात्कार गरेको आरोपमा १ युवक पक्राउ परेका छन्।

प्रहरीले कैलालीको धनगढी उपमहानगरपालिका–२ सन्तोषीटोलका ४० वर्षीय बिजेन्द्र बहादुर सिंहलाई पक्राउ गरेर बलात्कारको मुद्दा चलाएको छ। उनीमाथि अनुसन्धान सकिएर अहिले जिल्ला अदालत काठमाडौंमा मुद्दा दर्ता भएको छ।

प्रहरीका अनुसार सिंहले बेलायत बस्दै आएकी एक युवतीसँग टिकटकमार्फत् चिनजान गरेका थिए। सिंहले ती युवतीलाई विवाह गर्ने भन्दै काठमाडौं बोलाएर बलात्कार गरेको अभियोग पत्रमा उल्लेख गरिएको छ।

घटना गत असार ३१ गतेको हो। बिजेन्द्रले ती युवतीलाई एअरपोर्टमा झर्ने बित्तिकै सिनामंगलस्थित हिमालय होटलमा लगेर बलात्कार गरेको पाइएको प्रहरीले जनाएको छ।

युवतीलाई जबरजस्ती करणी गर्न लागेपछि होटल सञ्चालकले प्रहरीलाई खबर गरेका थिए। त्यसपछि प्रहरी टोली आएर बिजेन्द्रलाई पक्राउ गरेको थियो।

बलात्कारपछि कतै नभन्नु भन्दै आफूमाथि धम्की र कुटपिट समेत भएको युवतीले प्रहरीसमक्ष बयान दिएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

खाल्डोमा जमेको पानीमा डुबेर दुई बालकको मृत्यु

राष्ट्र बैंकको गभर्नरमा विश्व पौडेल नियुक्त

विश्व पौडेलविरुद्धको रिट दर्ता नगर्ने आदेश सदर