चोरी गर्न जाँदा २ युवाले न्यायाधीशका पीएसओको पेस्तोल पनि चोरेपछि...

सुरक्षा/अपराध

नेपाल लाइभ आइतबार, साउन २१, २०८० १८:२५

काठमाडौं–सर्वोच्च अदालतका न्यायाधीश नहकुल सुवेदीका पसर्नल सेक्युरेटी अफिसर (पीएसओ) प्रभाकर खड्काको पेस्तोल चोरी गरेको आरोपमा पक्राउ परेकाहरूलाई प्रहरीले सार्वजनिक गरेको छ।

प्रहरीले सिन्धुपाल्चोकका २४ वर्षीय वासुदेव थामी र सिन्धुलीका मेगबहादुर तामाङलाई पेस्तोल चोरी आरोपमा पक्राउ गरेको हो। उनीहरूले पीएसओ खड्काको पेस्तोल असार ३० गते चोरी गरेका थिए।

पेस्तोल चोरी भएको २९ दिनपछि प्रहरीले चोरीमा संलग्नलाई पक्राउ गरेर सार्वजनिक गरेको हो। यसअघि न्यायाधीशका पीएसओको पेस्तोल हराएको कुरा सार्वजनिक भएको थिएन। उनीहरूलाई चोरी गरेको पेस्तोलसहित बौद्धको शिवमन्दिर नजिक र फुटङबाट पक्राउ गरिएको हो।

पेस्तोलसँगै त्यसमा लाग्ने ७ राउण्ड गोली पनि उनीहरूको साथबाट बरामद भएको जिल्ला प्रहरी परिसर काठमाडौंका एसपी तथा प्रवक्ता कुमोध ढुंगेलले बताए। उनीहरूले पेस्तोलको दुरुपयोग गरे/नगरेकोबारे भने अनुसन्धान भइरहेको उनले जनाए।

उनीहरू न्यायाधीश सुवेदीका पीएसओ खड्काको घर नजिकैको एउटा घरमा चोरीका लागि गएका थिए। फर्कँदा पीएसओ प्रहरी नायव निरीक्षक सई खड्काको घरको झ्याल खुल्लै देखेपछि नजिकै रहेको झोला चोरी गरेको उनीहरूले बयान दिएका छन्। चोरी गर्ने क्रममा झोला नहेरेको, तर पछि हेर्दा त्यसमा पेस्तोल देखिएको उनीहरूले बयान दिएका छन्।

पेस्तोल चोरी भएलगत्तै न्यायाधीशका पीएसओले प्रहरी वृत्त, बौद्धमा उजुरी दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

साढे दुई अर्बको सिमेन्ट भारतमा निर्यात

सगरमाथा आरोहण गरेका प्रहरीको पदोन्नति

पानीको सतह बढेपछि ‘बेलिब्रिज’ झिकियो