महोत्तरीको नमुना गाविसका पूर्वसचिव भ्रष्टाचारी ठहर

सुरक्षा/अपराध

नेपाल लाइभ आइतबार, साउन २१, २०८० १७:४१

काठमाडौं– विशेष अदालत काठमाडौंले महोत्तरीको तत्कालीन नमुना गाउँ विकास समितिको कार्यालयमा कार्यरत गाविस सचिव नागेश्वरराय यादवलाई भ्रष्टाचार मुद्दामा दोषी ठहर गरेको छ।

यादवले कर्मचारीको तलब, सामाजिक सुरक्षा भत्ता, गाविसको विभिन्न शीर्षकको रकम दुरुपयोग गरेको अभियोगमा अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको थियो। उक्त मुद्दामा अन्तिम फैसला सुनाउँदै विशेष अदालतका न्यायाधीशद्धय श्रीकान्त पौडेल र बलभद्र बास्तोलाको इजलासले दोषी ठहर गर्ने फैसला सुनाएको हो ।

तत्कालीन जिल्ला विकास समितिको कार्यालय, जलेश्वरबाट आर्थिक वर्ष २०६७/०६८ मा असहाय, विधवा, अशक्त अपांग, दलित जेष्ठ नागरिकको सामाजिक सुरक्षा भत्ताका लागि निकासा भएको रकममा १२ लाख ८६ हजार ८ सय रुपियाँ हिनामिना गरेका थिए।

त्यस्तो रकम सम्बन्धित व्यक्तिलाई नदिई वितरण गरेको भरपाइ बनाई बुझिलिनेको सहीछाप महलमा आफै र अरु व्यक्तिलाई हस्ताक्षर गर्न लगाएर रकम हिनामिना गरेको अभियोग अख्तियारले लगाएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कुलिङ पिरियडको प्रावधानबाट समिति पछि हट्दैन: सभापति खतिवडा

जापानमा ट्याक्सी चालकले ५० महिलालाई बलात्कार गरेको आशङ्का

सगरमाथा आरोही छत्यालको बढुवा, दर्ज्यानी चिन्ह प्रदान