एक क्विन्टल सुन तस्करी प्रकरण : भन्सार एजेन्ट सुब्बालाई ‘जिम्मा जमानी’मा छोडियो

सुरक्षा/अपराध

नेपाल लाइभ शुक्रबार, साउन १९, २०८० १०:४५

काठमाडौं- एक क्विन्टल सुन तस्करी प्रकरणमा पक्राउ परेकी भन्सार एजेन्ट रुक्मिना सुब्बा ‘जिम्मा जमानी’मा छुटेकी छन्। राजश्व अनुसन्धान विभागको नियन्त्रणमा अनुसन्धानका लागि थुनामा रहेकी उनलाई स्वास्थ्यको कारण देखाउँदै रिहा गरिएको हो।

उनलाई क्यान्सर रोग लागेको हुनाले बोलाएको बेलामा उपस्थित गराउने सर्तमा रिहा गरिएको राजस्व अनुसन्धान विभागले जनाएको छ।

क्यान्सरको उपचारका लागि भन्दै आफन्तले निवेदन दिएपछि उनलाई जिम्मा जमानीमा रिहा गरिएको हो। उनलाई सुन प्रकरणमा संलग्नता नदेखिएको भनी रिहा गरेको नभई उपचारका लागि गरिएको विभागले जनाएको छ।

उनी घाँटीको क्यान्सर देखिएकोले उपचार गराइरहेकी छिन्। किमोथेरापी गर्नुपर्ने भएकाले सुब्बालाई थुनामा राख्दा झन् समस्या हुने भएपछि आफन्तको जिम्मा लगाइएको हो। विभागको टोलीले हङकङबाट आएको तस्करीको सुन त्रिभुवन विमानस्थल भन्सार कार्यालयको गेट बाहिर पक्राउ गरेको थियो।

साउन ३ मा बरामद गरिएको सुन ‘तस्करी’ मा संलग्न आरोपमा चिनियाँ र भारतीय नागरिकसहितलाई अनुसन्धान चलिरहेको छ। विभागले उनीहरुको बयान लिने कार्य सुरु गरेको छ। उनीहरु विरुद्ध उच्च अदालत पाटनमा मुद्दा दायर हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रमुख १० अपराधमा बैंकिङ कसुर पहिलो स्थानमा

रविको रिटमा आदेश सुनाउन लागिएपछि भेला हुन थाले रास्वपा कार्यकर्ता

नागढुङ्गा सुरूङमार्ग आगामी पुसभित्र सञ्चालनमा ल्याइने