रुपन्देही– सामाजिक विकास मन्त्रालयले अञ्चल र जिल्ला अस्पताल विकास समितिका कर्मचारी सरुवा गर्ने भएको छ।
प्रदेश नं ५का समाजिक विकासमन्त्री सुुदर्शन बरालले प्रदेशभित्र रहेका अस्पताल विकास समितिका कर्मचारीहरूलाई एक जिल्लाबाट अर्काे जिल्ला सरुवा हुने बताएका छन्। समाजिक विकास मन्त्रालयद्धारा आयोजना गरिएको एक कार्यक्रममा स्वास्थ्यमन्त्री सुर्दशन बरालले अब प्रदेशमा स्वास्थ्यको कानुन बनाएर तत्काल काम अघि बढाइने बताए।
विकास समितिका कर्मचारीलाई पनि अन्य कर्मचारीलाई जस्तै एक स्थानबाट अर्काे स्थानमा सरुवा गर्दा काम प्रभावकारी देखिने बताए।अर्काेतर्फ विकास समितिका कर्मचारी काम भन्दा बढी अन्य सेवामा व्यस्त रहने र बाहिरी गतिविधिमा सक्रिय रहने हुनाले विकास समितिका कर्मचारीको सरुवा आवश्यक भएको बताए।
प्रदेशमा रहेका एक उपक्षेत्रीय ३ अञ्चल र जिल्ला अस्पताल गरी १६ वटा अस्पतालमा विकास समिति रहको छ।
उक्त अस्पतालमा नेपाल सरकार सरहका सबै तहका चिकित्सक तथा अन्य कर्मचारी रहेको प्रदेशस्वास्थ्य निर्देशनालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
-1789631269.jpg)
