भक्तपुरमा १२ वर्षीया बालिका बलात्कृत

सुरक्षा/अपराध

नेपाल लाइभ बिहीबार, साउन १८, २०८० १३:१२

काठमाडौं– भक्तपुरमा १२ वर्षीया बालिका बलात्कृत भएकी छिन्। बलात्कार आरोपमा रूकुम मुसिकोट नगरपालिका–३ घर भइ काठमाडौं थापागाउँ बस्ने १९ वर्षीय युवकलाई बुधबार दिउँसो प्रहरीले पक्राउ गरेको छ।

आरोपित युवकले ती बालिकालाई गत साउन ४ गतेदेखि ललाई फकाई पटक–पटक जबरजस्ती करणी गरेको भन्ने उजुरीको आधारमा प्रहरी वृत्त ठिमिबाट खटिएको प्रहरीले उनलाई पक्राउ गरेको हो।

त्यसैगरी पाल्पामा ११ वर्षीया बालिका बलात्कृत र १३ वर्षीया बालिकामाथि जबरजस्ती करणीको प्रयास भएको छ। ११ वर्षीया बालिकालाई बलात्कार गरेको र १३ वर्षीया बालिकालाई बलात्कार प्रयास गरेको आरोपमा तानसेन नगरपालिका–८ पाँडेखर्क बस्ने २२ वर्षीय युवकलाई बुधबार दिउँसो प्रहरीले पक्राउ गरेको छ।

युवकले बालिकालाई आइतबार बिहान जबरजस्ती करणी तथा सोही दिन दिउँसो जबरजस्ती करणी उद्योग गरेको भन्ने उजुरीको आधारमा प्रहरी चौकी प्रभासबाट खटिएको प्रहरीले उनलाई पक्राउ गरेको हो। उदयपुरमा यस्तै १८ वर्षीया किशोरीलाई जबरजस्ती करणी गरेको अभियोगमा बेलका नगरपालिका– ७ बस्ने २० वर्षीय एक जना युवकलाई बुधबार दिउँसो प्रहरीले पक्राउ गरेको छ।

आरोपित युवकले ती किशोरीलाई सोमबार राति सुतिरहेको कोठामा प्रवेश गरी डर त्रास देखाई जबरजस्ती करणी गरेको भन्ने उजुरीको आधारमा ईलाका प्रहरी कार्यालय रामपुर ठोक्सिलाबाट खटिएको प्रहरीले उनलाई पक्राउ गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दिदीको अश्लील भिडियो बहिनीको मेसेन्जरमा पुगेपछि...

देउवासँगको भेटपछि कांग्रेस: एमालेसँग कुनै समस्या छैन

बलिउड अभिनेता सैफ अली खानमाथि छुरा प्रहार, खतरामुक्त रहेको चिकित्सकको भनाइ