काठमाडौं- प्रधानमन्त्री केपी शर्मा ओलीले भारतीय समकक्षी नरेन्द्र मोदीलाई लुम्बिनी भ्रमण लागि निमन्त्रणा गरेका छन्।
पशुपति धर्मशालाको उद्घाटन गर्ने क्रममा प्रधामन्त्री मोदीलाई निम्ता दिए। भारतीय राजदूतावासको सहयोगमा गौशालामा निर्माण भएको धर्मशालाको प्रधानमन्त्री ओली र भारतीय प्रधानमन्त्री मोदीले संयुक्त रुपमा शुक्रबार उद्घाटन गरेका ५न्।
'तपाईंले लुम्बिनी भ्रमण गरे बुद्धको जन्मस्थल, बुद्ध धर्मको महत्व र लुम्बिनीलाई बुद्धिजमको मुहानको रुपमा विश्वव्यापी रुपमा चिनाउन थप मद्दत मिल्नेछ,' प्रधानमन्त्री ओलीले मोदीलाई भने, 'तपाईंको अघिल्लो पटकका जनकपुर र मुक्तिनाथ मन्दिरको भ्रमणले नेपालको पर्यटनमा उल्लेख्य योगदान गरेको छ।'
प्रधानमन्त्री ओलीले थपे, 'तपाईंलाई लुम्बिनी भ्रमणको निम्ता छ। यहाँको लुम्बिनी भ्रमण चाँडै होस्।'
मोदी प्रधानमन्त्री भएपछि चौथो पटक नेपाल भ्रमण गरेकोमा प्रधानमन्त्री ओलीले प्रशंसा गरे। 'मोदीजीको लगातारको नेपालको भ्रमणको अर्थ हाम्रो आत्मीय सम्बन्ध अझ मजबुत हुुँदै गएको रुपमा बुझ्नुपर्दछ,' प्रधानमन्त्री ओलीले भने, 'प्रधानमन्त्री भएपछि म पनि भारत भ्रमण गएँ। यसले हाम्रो आपसी सम्बन्धलाई र दुई देशको मित्रता गाढा भएको रुपमा बुझ्नुपर्दछ।'
यसअघिका भ्रमणमा मोदीले उठाएका आपसी सहयोग र सद्भावका कुरा क्रमश: व्यवहारमा देखिएकोमा नेपाल प्रसन्न भएको प्रधानमन्त्री ओलीको भनाइ छ।
बिमस्टेक शिखर सम्मेलनमा सहभागी हुने क्रममा भारतीय प्रधानमन्त्री मोदी काठमाडौं आएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
