हतियार देखाएर दिनदहाडै बैंक लुटपाट गर्ने समूहका १ जना पक्राउ

सुरक्षा/अपराध

नेपाल लाइभ बिहीबार, साउन ११, २०८० ०८:३०

काठमाडौं– महोत्तरीमा दिनदहाडै हतियार देखाएर बैंक लुटपाटमा संलग्न मध्येका १ जनालाई प्रहरीले पक्राउ गरेको छ। पक्राउ पर्नेमा भारतको विहार राज्यको मधुबनीका २० वर्षीय अजयकुमार साफी रहेका छन्।

गत जेठ १६ गते महोत्तरीको महोत्तरी गाउँपालिका–२ स्थित एनएमबी बैंकमा एक समूहले हतियार देखाएर दिउँसै लुटपाट गरेको थियो।

४/५ जनाको समूहमा आएका नकाबधारीहरुले बैंकका कर्मचारीसहित बैंकमा सेवा लिन आएका सेवाग्राहीलाई नियन्त्रणमा लिँदै १५ लाख रुपैयाँ नगद लुटेका थिए। नम्बर नखुलेको २ वटा मोटरसाइकलमा आएका उनीहरु बैंक लुटेपछि फरार भएका थिए।

उक्त घटनामा संलग्न रहेकामध्ये भारतीय नागरिक साफीलाई पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक दिलीपकुमार गिरीले जानकारी दिए।

साफीलाई प्रहरीले बुधबार साँझ महोत्तरीको मटिहानी नगरपालिका–८ स्थित नेपाल भारत सीमा नजिकबाट पक्राउ गरेको हो। लुटपाटमा संलग्न अन्यको पहिचान भइसकेको प्रहरीले जनाएको छ। चाँडै नै उनीहरुलाई पक्राउ गरी सार्वजनिक गरिने प्रहरी उपरीक्षक प्रकाश मल्लले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव

सभापोखरीमा आगलागीबाट १० परिवार विस्थापित, एक करोडभन्दा बढीको क्षति

सदन छलेर अध्यादेश ल्याउनु उचित होइन : प्रचण्ड