विपद् व्यवस्थापन र उद्धारलाई प्राथमिकतामा राखेर काम गर्न कार्यबाहक प्रधानमन्त्री खड्काको निर्देशन

सुरक्षा/अपराध

नेपाल लाइभ बुधबार, साउन १०, २०८० १५:१२

काठमाडौं– कार्यबाहक प्रधानमन्त्री तथा रक्षामन्त्री पूर्णबहादुर खड्काले सुरक्षा निकायका अधिकारीहरुलाई विपद् व्यवस्थापन र राहत उद्धारका काममा प्राथमिकताका साथ खटिन निर्देशन दिएका छन्।

बुधबार बिहान खड्काको अध्यक्षतामा बसेको बैठकमा उनले यस्तो निर्देशन दिएका हुन्। बैठकमा उपप्रधानमन्त्री तथा गृहमन्त्री, मुख्य सचिव, प्रधानसेनापति, रक्षा सचिव, गृह सचिव, सुरक्षा निकायका प्रमुखहरु र राष्ट्रिय विपद् जोखिम न्यूनीकरण तथा व्यवस्थापन प्राधिकरणका अधिकारीहरुको सहभागिता रहेको थियो।

सो छलफलका क्रममा कार्यबाहक प्रधानमन्त्री तथा रक्षामन्त्रीसमक्ष सम्बन्धित अधिकारीहरुले देशका विभिन्न ठाँउमा गएको बाढी पहिरो , जनधनको क्षति र राजमार्ग अवरुद्ध लगायतका विषयमा जानकारी गराए।

छलफलमा खड्काले बाढी पहिरो लगायतका कारण जन धनको क्षति हुन नदिन तथा अवरुद्ध भएका राजमार्ग तत्काल सुचारु हुने व्यवस्था मिलाउनका साथै विपद् पूर्व सतर्कतालाईसमेत उच्च प्राथमिकतामा राखेर काम गर्न निर्देशन दिएका छन्।

साथै उनले बाढी पहिरोबाट कोही नागरिक पीडित भइहाले तत्काल उद्धार तथा राहातलाइ उच्च प्राथमिकता दिन निर्देशन दिए। पीडितलाई राहत वितरणका सम्बन्धमा कुनै कानुनी बाधा अड्चन भएमा त्यसलाई तत्काल फुकाएर काम गर्ने व्यवस्था मिलाउनसमेत निर्देशन दिए।

देशैभरका सुरक्षा निकाय र सरकारी अधिकारीहरुलाई विपद्को पूर्व आकलन तथा व्यवस्थापनका लागि चनाखो हुन र एकीकृत रुपमा समन्वय गरी काम गर्न निर्देशन दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव

सभापोखरीमा आगलागीबाट १० परिवार विस्थापित, एक करोडभन्दा बढीको क्षति