२२ जना प्रहरी कर्मचारी आफूखुसी सम्पर्कविहीन

सुरक्षा/अपराध

नेपाल लाइभ बुधबार, साउन १०, २०८० ०७:४६

काठमाडौं– प्रहरी प्रधान कार्यालयले २२ जना प्रहरी कर्मचारी सम्पर्कविहीन (गैरहाजिर) रहेको भन्दै सम्पर्कमा आउन सार्वजनिक सूचना जारी गरेको छ।

प्रहरी हवल्दार, प्रहरी सहायक हवल्दार र प्रहरी जवान गरी २२ जना कर्मचारी सम्पर्कविहीन रहेको प्रहरी प्रधान कार्यालयले जानकारी दिएको छ।

प्रहरी महानिरीक्षकको सचिवालयको कानुन शाखाले जारी गरेको सूचनामा २२ जना प्रहरी कर्मचारीहरु आफूखुसी गैरहाजिरीमा रहेको जनाइएको छ। गैरहाजिरीमा रहेकाहरुको खोज तलास गराउँदा प्रहरी नियमावली २०७१ को नियम ११५ को देहाय (२) बमोजिम प्रक्रिया पूरा गरी सूचना टाँस भइसक्दा समेत सम्पर्कमा नआएको सूचनामा उल्लेख छ।

सूचना टाँस गर्दा समेत सम्पर्कमा नआएकाले उनीहरुको हकमा सार्वजनिक सूचना प्रकाशित गरिएको प्रहरी प्रधान कार्यालयले जानकारी दिएको छ। आफूखुसी सम्पर्कविहीन हुनेमा १ जना प्रहरी हवल्दार, ५ जना सहायक हवल्दार र १६ जना प्रहरी जवानहरु छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव

सभापोखरीमा आगलागीबाट १० परिवार विस्थापित, एक करोडभन्दा बढीको क्षति