प्रधानमन्त्रीको सुशासन सल्लाहकार हुँ भन्दै ४५ लाख ठग्ने दुई जना पक्राउ

सुरक्षा/अपराध

नेपाल लाइभ आइतबार, साउन ७, २०८० १९:४३

काठमाडौं- प्रधानमन्त्रीको सुशासन सल्लाहकार हुँ भन्दै ४५ लाखभन्दा बढी रकम ठगी गर्ने दुई जनालाई प्रहरीले पक्राउ गरेको छ। पक्राउ पर्नेमा काठमाडौं नागार्जुन नगरपालिका-८ का ४४ वर्षीय राजेन्द्रप्रसाद खनाल र सोही ठाउँका २३ वर्षीय विशाल खनाल छन्।

उनीहरुलाई आइतबार कोटेश्वरबाट पक्राउ गरिएको प्रहरीले जनाएको छ। उनीहरुले प्रधानमन्त्रीको सुशासन सल्लाहकार तथा दलका प्रमुख नेताहरुसँग चिनजान छ भन्दै विभिन्न कम्पनी तथा व्यवसायमा सहभागी गराउने आश्वासन दिएर कागजातमा सहीछाप गराएर व्यक्तिहरुबाट ४५ लाख रकम ठगी गरेर फरार भएका थिए।

ना४च ८६७० नम्बरको स्कोर्पियो जिप समेत लिएर फरार भएपछि इलाका प्रहरी कार्यालय दमक झापामा उनीहरुविरुद्ध ठगी कसुरमा मुद्दा दर्ता भएको थियो। जिल्ला अदालत भद्रपुरबाट पक्राउ पुर्जी जारी भएपछि काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनीहरुलाई पक्राउ गरेको हो।

पक्राउ परेका दुवै जनालाई इलाका प्रहरी कार्यालय दमक पठाइएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव