इन्सपेक्टर चौलागाईं र जवान राई कोशी प्रदेशको उत्कृष्ट प्रहरी घोषित

सुरक्षा/अपराध

नेपाल लाइभ शुक्रबार, साउन ५, २०८० १०:३९

काठमाडौं– प्रहरी निरीक्षक (इन्सपेक्टर) बुद्धि राम चौलागाईं र प्रहरी जवान आयुष राई कोशी प्रदेशकै उत्कृष्ट प्रहरी कर्मचारी घोषित भएका छन्। कोशी प्रदेश प्रहरी कार्यालयले इन्सपेक्टर चौलागाईं र जवान राईलाई असार महिनाको उत्कृष्ट प्रहरी कर्मचारी घोषित गरेको हो।

विभागीय मूल्य मान्यता, आदेश निर्देशनको पालना गरी अपराध अनुसन्धानको क्षेत्रमा विशेष क्षमता देखाएको भन्दै प्रदेश प्रहरी कार्यालयले चौलागाईं र राईलाई महिनाको उत्कृष्ट प्रहरी कर्मचारी घोषित गरेको हो।

उत्कृष्ट प्रहरी घोषित भएका चौलागाईं इलाका प्रहरी कार्यालय दुहवी सुनसरीमा कार्यरत छन्। यस्तै राई प्रहरी चौकी हरामटार खोटाङमा कार्यरत छन्।

असार महिनामा विभिन्न मुद्दाका फरार प्रतिवादीहरु पक्राउ गरी कानुनी कारबाहीको दायरामा ल्याएको,भारतीय नागरिकलाई गाँजासहित प्रकाउ गरेको, भन्सार छलि ल्याएको अवैध सामानहरू भन्सार कार्यालयमा बुझाएको, प्रहरी हिरासतमा पुस्तकालय स्थापना गरेकोमा चौलागाईं पुरस्कृत भएको कोशी प्रदेश प्रहरी कार्यालय विराटनगरले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव