सुन तस्करी प्रकरण: कोटेश्वरबाट थप दुई जना पक्राउ

सुरक्षा/अपराध

नेपाल लाइभ बिहीबार, साउन ४, २०८० २०:०९

काठमाडौं– सुन तस्करी प्रकरणमा थप दुई जना पक्राउ परेका छन्। राजश्व अनुसन्धान विभागले थप दुई जनालाई बिहीबार कोटेश्वरबाट पक्राउ गरेको हो।

कोटेश्वरबाट पक्राउ पर्ने व्यक्ति ट्रान्स ग्लोबल सर्भिसका सञ्चालक पुष्करराज भट्ट र राजन श्रेष्ठ रहेका छन्।

यसअघि बिहीबार नै विभागले एक जना चिनियाँ नागरिकलाईसमेत पक्राउ गरेको थियो। दिउँसो पक्राउ परेका चिनियाँ नागरिक लिन चुहान सात महिनादेखि नेपालमै रहेको पाइएको छ।

महाराजगञ्जना रहेको ल्याण्ड लाइन ओसियन इन्टरनेसनल लजिस्टिक प्रालि कम्पनीको बिजनेश भिसा लिएर ७ महिनादेखि नेपालमा बसेको पाइएको हो।

भन्सारबाट जाँचपास भइर बाहिरिएको एक सय किलोभन्दा बढी सुन बुधबार राति विभागले बरामद गरेको थियो।

यो प्रकरणमा राजश्व अनुसन्धान विभाग र सशस्त्र प्रहरीको टोलीले अप्रेशन जारी राखेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव