सुन तस्करी प्रकरणमा जोडिएको रेडी ट्रेडकै नाममा आए थप सामान, सुन हुनसक्ने आशंका

सुरक्षा/अपराध

नेपाल लाइभ बिहीबार, साउन ४, २०८० १५:००

काठमाडौं- राजश्व अनुसन्धान विभागले बरामद गरेको करिब १ क्विन्टल सुन आएको रेडी ट्रेड कम्पनीको नाममा थप सामान पनि विमानस्थल भन्सारमा आइपुगेको पाइएको छ। उक्त कम्पनीकै नाममा थप सामान आएको सूचना आएपछि अहिले राजश्व अनुसन्धान विभागको टोली भन्सार कार्यालयमा पुगेको छ।

राजश्व अनुसन्धान विभागका महानिर्देशक नवराज ढुंगाना आफैं अहिले विमानस्थल भन्सार कार्यालय पुगेका छन्। यसअघि स्कुटरको ब्रेक सुमा आएकै शैलीमा त्यस्तै किसिमका थप सामान भन्सार आइपुगेका जानकारी पाएपछि ढंगाना भन्सार पुगेका थिए।

सामान आएको कम्पनी पक्राउ परेका व्यक्ति दिलिप भुजेलको नाममा दर्ता छ। भोजपुरको अरुण गाउँपालिका-४ घर भई काठमाडौंको साँखु बस्ने २१ वर्षीय दिलिप भुजेलको रेडी ट्रेडमार्फत स्कुटरको ब्रेक सुको रुपमा उक्त सुन भित्रिएको हो। अहिले फेरि यही कम्पनीको नाममा थप सामानहरु आएपछि सुन हुनसक्ने आशंका गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव