अन्तरजातीय प्रेम कथामा फिल्म ‘श्रद्धा–सुमन’ बन्दै

सिनेमा

नेपाल लाइभ बिहीबार, असार २८, २०८० १२:०८

काठमाडौं– अन्तरजातीय प्रेम कथामा नयाँ फिल्म निर्माणको घोषणा भएको छ। के.डी प्रशितको लेखन तथा निर्देशनमा तयार हुन लागेको फिल्मको नाम ‘श्रद्धा–सुमन’ राखिएको छ। यो फिल्मको आजबाट बन्दीपुरमा वर्कसप समेत सुरु भएको छ।

के.डी फिल्मस् प्रालिको पहिलो प्रस्तुतिको रुपमा निर्माण हुन लागेको यो फिल्मलाई अमर सिंह खातीले निर्माण गर्दैछन्। फिल्मको प्रस्तुतकर्तामा सोनिया नेपाली र सुप्रिया सिंह खाती छन्।

यो फिल्ममा अधिकांश नयाँ कलाकारको अभिनय रहनेछ। फिल्ममा दीपक अधिकारी र आकांक्षा तामाङ शीर्ष भूमिकामा देखिँदैछन्। एक ब्राह्मण युवक र तामाङ युवतीको प्रेम कथामा फिल्म बन्न लागेको निर्देशक प्रशितले जानकारी दिए।

फिल्ममा दीपक र आकांक्षाको साथमा कमलमणी नेपाल, सुवर्ण बस्ताकोटी, सुरवीर पण्डित, विमल पौडेलको मुख्य भूमिका रहनेछ। यो फिल्ममा चिरञ्जिवी भण्डारीको संगीत, उत्सव दाहालको छायांकन रहनेछ।

फिल्मको छायाँकन भने भदौ१५ गतेबाट सुरु गर्ने निर्देशक प्रशितले जानकारी दिए। यो फिल्मको छायाँकन बन्दीपुर, चितवन र पोखरामा हुनेछ। साथै, नेपाल बाहिर पनि यो फिल्मको छायांकन गर्ने तयारी गरिएको निर्माणपक्षले बताएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी