काठमाडौं– ‘वान एक्स बेट’ प्रचारप्रसार गरेको आरोपमा पक्राउ परेका कलाकारहरु धरौटीमा रिहा भएका छन्।
बल्छी ध्रुबे र राजु मास्टरसहितका आठ जना कलाकार बुधबार पाँच हजार धरौटी तिरेर रिहा भएका हुन्। जिल्ला अदालत काठमाडौंको आदेशमा उनीहरु धरौटी बुझाएर रिहा भएका हुन्।
रिहा हुनेहरुमा मरिचमान श्रेष्ठ(बल्छी ध्रु्बे), राजु पौडेल(राजु मास्टर), जलन घर्तीमगर, अलिश राई, गणेश देवकोटा, बेगम नेपाली, रोशन खतिवडा र सरोज घिमिरे रहेका छन्।
प्रहरीले २५ दिन लामो अनुसन्धान सकेर जिल्ला सरकारी वकिल कार्यालयमा प्रतिवेदन बुझाएको थियो। जिल्ला सरकारी वकिल कार्यालयले मुद्दा दर्ता गरेको थियो।
काठमाडौं उपत्यका अपराध अनुसन्धान कार्यालयले कलाकारसहित १० जनालाई पक्राउ गरेर थप अनुसन्धान तथा कारबाहीका लागि जिल्ला प्रहरी परिसर काठमाडौंमा पठाएको थियो।
पक्राउ पर्नेमा बल्छी ध्रुवे भनिने कलाकार मरिचमान श्रेष्ठ र टेलिसिरियल खेलिरहेका राजु मास्टर भनिने राजु पौडेल, युट्युबर तथा कलाकार एलिश राई, जलन घर्तिमगर, गणेश देवकोटा, सरोज घिमिरे र भटभटे माइला भन्ने वेगम नेपाली, रोशन खतिवडा, दिनेश खड्का, अनिता धितालसहितलाई पक्राउ गरेको थियो।
यस्तै दिनेश खड्का १० लाख धरौटी बुझाएर रिहा भएका छन् भने उनकी प्रेमिका अनिता धिताल पाँच लाख धरौटी बुझाएर रिहा भएकी छन्।
कुशल पोख्रेललाई भने फरार प्रतिवादी बनाइएको छ। कलाकारहरुले सट्टेबाजीको प्रचारप्रसार गरेकाले उनीहरुलाई विज्ञापन नियमन ऐन २०७६ को दफा ५ को उपदफा २ (ढ) र दफा २५ को उपदफा (१) बमोजिको कसुर मागदाबी गरिएको थियो। विज्ञापन ऐनको कसुरमा भने १ वर्षसम्म कैद र १० हजार रुपैयाँसम्म जरिवाना हुने प्रावधान छ।
दिनेश र अनितालाई भने ६४ करोड ९४ लाख २९ हजार ८२० रुपैयाँ बिगो मागदाबी गर्दै मुद्दा दर्ता गरिएको छ। उनीहरु दुई जना प्रेमी–प्रेमिका हुन्। राष्ट्र बैंक अन्तर्गतको कसुरमा मुद्दा दर्ता गरिएको छ। उक्त बिगोसँगै बिगोको तीन गुणासम्म जरिवाना र सात वर्षसम्म कैद मागदाबी गरिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737083672.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1737002671.jpg)
