काठमाडौं– ‘वान एक्स बेट’ प्रचारप्रसार गरेको आरोपमा पक्राउ परेका कलाकारविरुद्ध मुद्दा दर्ता भएको छ । प्रहरीले २५ दिन लामो अनुसन्धान सकेर जिल्ला सरकारी वकिल कार्यालयमा प्रतिवेदन बुझाएको थियो। जिल्ला सरकारी वकिल कार्यालयले मुद्दा दर्ता गरेको हो।
काठमाडौं उपत्यका अपराध अनुसन्धान कार्यालयले कलाकारसहित १० जनालाई पक्राउ गरेर थप अनुसन्धान तथा कारबाहीका लागि जिल्ला प्रहरी परिसर काठमाडौंमा पठाएको थियो।
पक्राउ पर्नेमा बल्छी ध्रुवे भनिने कलाकार मरिचमान श्रेष्ठ र टेलिसिरियल खेलिरहेका राजु मास्टर भनिने राजु पौडेल, युट्युबर तथा कलाकार एलिश राई, जलन घर्तिमगर, गणेश देवकोटा, सरोज घिमिरे र भटभटे माइला भन्ने वेगम नेपाली, रोशन खतिवडा, दिनेश खड्का, अनिता धितालसहितलाई पक्राउ गरेको थियो।
कुशल पोख्रेललाई भने फरार प्रतिवादी बनाइएको थियो। कलाकारहरुले सट्टेबाजीको प्रचारप्रसार गरेकाले उनीहरुलाई विज्ञापन नियमन एने २०७६ को दफा ५ को उपदफा २ (ढ) र दफा २५ को उपदफा (१) बमोजिको कसुर मागदाबी गरिएको छ। विज्ञापन ऐनको कसुरमा भने १ वर्षसम्म कैद र १० हजार रुपैयाँसम्म जरिवाना हुने प्रावधान छ।
दिनेश र अनितालाई भने ६४ करोड ९४ लाख २९ हजार ८२० रुपैयाँ बिगो मागदाबी गर्दै मुद्दा दर्ता गरिएको छ। उनीहरु दुई जना प्रेमी–प्रेमिका हुन्। राष्ट्र बैंक अन्तर्गतको कसुरमा मुद्दा दर्ता गरिएको छ। उक्त बिगोसँगै बिगोको तीन गुणासम्म जरिवाना र सात वर्षसम्म कैद मागदाबी गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
