श्रवण यादवलाई गोली हानेको आरोपमा एक व्यक्ति पक्राउ

सुरक्षा/अपराध

नेपाल लाइभ बुधबार, असार २०, २०८० १८:२१

काठमाडौं– महोत्तरीको रामगोपालपुर नगरपालिका–१ बसबिट्टी बजारका ४४ वर्षीय श्रवण यादवलाई गोली हानेको आरोपमा एक जनालाई प्रहरीले पक्राउ गरेको छ।

पक्राउ पर्नेमा रामगोपालपुर–१ लक्ष्मीपुरका ३८ वर्षीय कौशल मण्डल छन्। उनीबाट पेस्ताल र गोलीको खोकासमेत बरामद गरिएको प्रहरीले जनाएको छ।

मंगलबार साँझ पौने ६ बजेतिर बसबिट्टी बजारमा श्रवणको कन्चट र दाहिने कुममा गोली प्रहार भएको थियो। गोली लागि घाइते भएका श्रवणलाई जानकी एकेडेमी अस्पताल पर्सादेवाड रामगोपालपुरमा उपचारका लागि पठाइएको थियो।

त्यहाँबाट रेफर गरेर अहिले जानकी हेल्थ केयरमा उपचार भइरहेको छ। उनको अवस्था गम्भीर रहेको प्रहरीले जनाएको छ। पक्राउ परेका कौशलसमेत सामान्य बिरामी भएकाले अहिले उनको प्रादेशिक अस्पताल जनकपुरमा उपचार भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारले अध्यादेश ल्याएर कानुन सुधार गर्न खोजेकोप्रति निजी क्षेत्र उत्साहित रहेको गगन थापाको दाबी

डा. निकोलस भुसाललाई ५० हजार धरौटीमा छाड्न अदालतको आदेश

जिबी राईको राहदानी रद्द गर्न अदालतको अनुमति