नक्कली भुटानी शरणार्थी प्रकरण: सानु भण्डारी र केशव दुलाललाई नख्खु कारागार सारियो

सुरक्षा/अपराध

नेपाल लाइभ शुक्रबार, असार १५, २०८० १३:४१

काठमाडौं– नेपाली नागरिकलाई नक्कली भुटानी शरणार्थी बनाएर अमेरिका लैजाने भन्दै भएको ठगी प्रकरणको मुद्दाको पुर्पक्षका लागि केन्द्रीय कारागार रहेका दुई अभियुक्तलाई अर्को कारागार सारिएको छ। यो प्रकरणमा जोडिएका तथा मुख्य योजनाकार भनिएका सानु भण्डारी र केशव दुलाललाई केन्द्रीय कारागारबाट ललितपुरस्थित नख्खु कारागार सारिएको हो।

केन्द्रीय कारागारका जेलर ललित बस्ननेतले उनीहरु २ जनालाई गत मंगलबार नख्खु कारागार पठाइएको नेपाल लाइभलाई जानकारी दिए। शान्ति सुरक्षाको कारण देखाउँदै गृह मन्त्रालयले नै उनीहरुलाई नख्खु कारागार पठाउने आदेश दिएपछि नख्खु पठाइएको स्रोतले जनाएको छ।

प्रहरीले गरेको अनुसन्धानअनुसार नक्कली भुटानी शरणार्थी प्रकरणमा उनीहरु मुख्य योजनाकार हुन्। उनीहरुकै बयानबाट भीआईपीहरु पक्राउको बाटो खुलेको थियो। सबै जनालाई एउटै कारागारमा राख्दा सुरक्षा चुनौती हुने भएपछि गृह मनत्रालयको निर्देशनमा उनीहरुलाई अर्को कारागार सारिएको हो।

यो प्रकरणमा पक्राउ परेर अदालतको आदेशपछि १६ जना कारागार चलान भएका थिए। उनीहरु सबैलाई केन्द्रीय कारागार पठाउन काठमाडौं जिल्ला अदालतका न्यायाधीश प्रेमराज न्यौपानेको इजलासले आदेश दिएको थियो। त्यसपछि सबैजना केन्द्रीय कारागार चलान भएका थिए। ती मध्ये दुलाल र भण्डारीलाई नख्खु कारागार पठाइएको हो। बाँकी १४ जना केन्द्रीय कारागारमै छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

महाकुंभ मेलामा पाँचौँ दिन लाखौँ तीर्थयात्री र कल्पवासीको आगमन

रास्वपाको निलम्बनमा परे कोशी प्रदेशका सभापति

सरकारले अध्यादेश ल्याएर कानुन सुधार गर्न खोजेकोप्रति निजी क्षेत्र उत्साहित रहेको गगन थापाको दाबी