काठमाडौं– संयुक्त राष्ट्र संघका Under Secretary General For pace Operations Mr. Gean Pierre Lacroix र सशस्त्र प्रहरी महानिरीक्षक राजु अर्यालबीच असार १३ गते बुधबार सशस्त्र प्रहरी बल नेपाल मुख्यालयमा शिष्टाचार भेटघाट भएको छ।
भेटघाटको क्रममा संयुक्त राष्ट्र संघ र सशस्त्र प्रहरी बल नेपालबीचको सहकार्य र समन्वयलाई आगामी दिनहरुमा अझ बढि प्रभावकारी बनाउने विषयमा छलफल भएको थियो। सो क्रममा उपमहासचिव Lacroix ले शान्ति स्थापनाको लागि संयुक्त राष्ट्रसंघ अन्तर्गत रहेर सशस्त्र प्रहरी बल नेपालले पुर्या एको योगदानको प्रशंसा गरेका थिए।
सो अवसरमा सशस्त्र प्रहरी महानिरीक्षक राजु अर्यालले संयुक्त राष्ट्रसंघको झण्डामुनी रहेर मानवअधिकार तथा मानवीय कानुनको पूर्ण पालना गर्दै शान्ति स्थापनार्थ सशस्त्र प्रहरी बल नेपाल प्रतिवद्धका साथ परिचालित रहेको समेत उल्लेख गरे।
भेटघाटको क्रममा Under Secretary General For pace Operations Mr. Gean Pierre Lacroix समक्ष मालिमा हालका दिनहरुमा बिकसित घटनाक्रम तथा अवस्था र मालि देशले नै त्यहाँ तैनाथ रहेको १५ हजार भन्दा बढि फौजलाई फर्काउन सक्ने बुझिएकोले अर्को महिना मालि मिशन उडानको लागि तयारी हालतमा रहेको सशस्त्र प्रहरी बल नेपालको एफपीयु टोलीलाई छिटो भन्दा छिटो अन्यत्र तैनाथीको लागि पहिलो प्राथमिकतामा राख्नसमेत अनुरोध गरिएको थियो।
यसका साथै भेटघाटको क्रममा सशस्त्र प्रहरी बल नेपालको तर्फबाट एफपीयु मिशन थप तथा Professional र IPOs कोटा बढाउने सम्बन्धमा समेत छलफल भएको थियो। सोही अवसरमा उपमहासचिव Lacroix ले एउटा एफपीयु मिशन जतिसक्दो छिटो तैनाथ गर्ने कुरामा सकारात्मक जवाफ दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
