अहिले (बायाँ) र पहिले । काठमाडौं- गत जेठ २८ गते लागुऔषध नियन्त्रण ब्यूरोको टोलीले गोली प्रहार गरेर एक जनालाई नियन्त्रणमा लियो। लागुऔषध ब्राउन सुगर बेच्न लागेको भन्ने सूचनाको आधारमा पक्राउ गर्न गएको टोलीमाथि नै आक्रमण गरेर भाग्न खोजेपछि प्रहरीले गोली चलाएको थियो।
त्रिभुवन अन्तर्राष्ट्रिय विमानस्थल अगाडिको शम्भु मार्गमा गोली प्रहार गरेर ब्यूरोको टोलीले भारतको बिहार राज्य मथुराग्राम घर भएका २७ वर्षीय हेमन्तकुमार भगतलाई गोली प्रहार गरी नियन्त्रणमा लिएको थिएको थियो। उनीबाट १०० ग्राम लागुऔषध पनि बरामद भएको थियो।
सोही क्रममा अर्का लागुऔषध कारोबारी भने फरार हुन सफल भएका थिए। फरार ती व्यक्ति को हुन् भन्नेसम्म पनि प्रहरीले भेउ पाएको थिएन। तर एक साता बित्न नपाउँदै अनुसन्धानमा खटिएको ब्यूरोको टोलीले फरार ती व्यक्तिको पहिचान गरी पक्राउ गरेको छ।
पक्राउ परेका व्यक्ति हुन् भारतकै बिहार राज्य सुपौल जिल्ला दौलतपुर घर भएका २८ वर्षीय रामभजन भनिने संजीव कुमार। उनलाई असार ६ गते सुनसरीको धरानस्थित सब्जीमण्डीबाट पक्राउ गरिएको ब्यूरोका एसपी तथा प्रवक्ता चक्रराज जोशीले बताए।
आफ्ना साथी भगतलाई पक्राउ गरेपछि उनी फरार भएका थिए। काठमाडौंबाट फरार भएका उनी भारत पुगेका थिए। भारत पुगेपछि भने उनले आफ्नो कपाल खौरिए, हुलिया बदले।
त्यसपछि उनी लागुऔषध कारोबारको कोर एरिया पूर्वी नेपालमा प्रवेश गरे। उनी नेपाल प्रवेश गरेको सूचना प्रहरीले पाइसकेको थियो। सूचना अनुसार पक्राउ गर्न गएको टोलीसँग भएको फोटोसँग ती व्यक्तिको हुलिया मेल खाएन। त्यसपछि प्रहरी झस्किएको थियो। सूचना स्रोतलाई पुन: सम्पर्क गरेपछि खुल्यो, ‘प्रहरीलाई छल्न राम भजन हुलिया परिर्वतन गर्दै कपाल खौरिएर नेपाल प्रवेश गरेका हुन्।’
त्यसपछि प्रहरीले रामभजनलाई पक्राउ गर्यो। रामभजनले पनि प्रहरीसमक्ष कपाल खौरिएर हुलिया परिवर्तन गरेपछि प्रहरीले पक्राउ गर्न नस्क्ने सोचेर आफू पुनः नेपाल छिरेको बताएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737128344.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
