काठमाडौं- र्यापर गिरिश खतिवडाले सञ्चालन गरेको क्याफेमा मासु पुर्याउन गएका एक युवकको शंकास्पद मृत्यु भएको छ। र्यापर खतिवडाले विराटनगरमा सञ्चालन गरेको ‘जी क्याफे एण्ड बिस्त्रो’ मा मासु पुर्याउन गएका युवक कासिद अन्सारीको मृत्यु भएको हो।
मोरङको धनपालथान गाउँपालिका–४ घर भई कर्सिया बजारमा मासु पसल चलाउँदै आएका अन्सारी आफ्ना ग्राहक खतिवडालाई नियमित रुपमा मासु पुर्याउँथे।
घटना हुने दिन पनि उनी मासु पुर्याउन गएको र सोही क्रममा लडेको पाइएको मोरङ प्रहरीका प्रवक्ता तथा डीएसपी रन्जनकुमार दाहालले जानकारी दिए।
डीएसपी दाहालका अनुसार असार ३ गते बिहान मासु दिएपछि बाहिर निस्कने क्रममा सीसीमा ठोक्किर उनी गम्भीर घाइते भएका थिए। त्यसपछि उनलाई उपचारका लागि अस्पताल लगिएकोमा उपचारकै क्रममा मृत्यु भएको पाइएको प्रहरीले जनाएको छ।
यता मृतकको परिवारले प्रहरीमा जाहेरी समेत दिएका छन्। प्रहरीले अहिलेसम्म कसैलाई पनि पक्राउ गरेको छैन। घटनाबारे अनुसन्धान भइरहेको डीएसपी दाहालले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779363027.jpg)
-1764146706.png)
