काठमाडौं- निजामती कर्मचारीको नवीन सोच/इन्नोभेटिभ आइडिया प्रस्तुतिका लागि ‘प्रतिभा डबली’मा इन्जिनियर मोहराज पौडेल प्रथम भएका छन्।
अख्तियार दुरुपयोग अनुसन्धान आयोग, काठमाडौंका सूचना प्रविधि निर्देशक रामदत्त भट्ट दोस्रो हुन सफल भए। त्यस्तै, कुमारीचोक तथा केन्द्रीय तहसील कार्यालय, बबरमहलका लेखा अधिकृत रविचन्द्र अर्याल तेस्रो बनेका छन्।
प्रथम भएका पौडेलको सोच स्थानीय तहको योजना तर्जुमा प्रक्रियामा तीन आयामिक-परिदृश्य नमुनाको प्रयोग रहेको थियो भने दोस्रो हुन सफल भट्टको सोच स्मार्ट नागरिक ठेगाना व्यवस्थापन प्रणाली र सोको बहुउपयोगी फ्रेमवर्क रहेको छ। तेस्रो भएका अर्यालको सोच सरकारी सेवा ट्रयाकिङ्ग प्रणाली रहेको छ।
कार्यक्रममा प्रमुख अतिथि रहेका प्रधानमन्त्री पुष्पकमल दाहाल प्रचण्डले कर्मचारी तन्त्रमा नवीन सोचको विकास नगरी परिवर्तन सम्भव नहुने बताए।
उनले भने, ‘कर्मचारी तन्त्रमा नवीन सोचका साथ आमुल परिर्वतन नगरी देश विकास हुँदैन। त्यसैले यस कार्यक्रमले सबैलाई उर्जा र उत्प्रेरणा गर्नेछ भन्ने विश्वास लिएको छु,’ प्रचण्डले भने।
कार्यक्रमका सङ्घीय मामिला तथा सामान्य प्रसाशन मन्त्री अमनलाल मोदीले कर्मचारी आफैं पनि नवीनताको खोजी भएकाले त्यस्तो सो राख्ने कर्मचारीलाई प्रोत्साहन र हौसला प्रदान गर्ने बताए।
नेपाल सरकारका मुख्य सचिव बैकुण्ठ अर्यालले सबै सोचले साँच्चिकै सार्वजनिक सेवा प्रवाह गर्न सरलीकरण गर्ने हुँदा यी सोचहरुलाई कार्यान्वयन गर्न अधिकतम प्रयास गर्ने बताएका छन्।
सङ्घीय मामिला तथा सामान्य प्रसाशन मन्त्रालयका सचिव डा कृष्णहरि पुष्करले कर्मचारीले गरेको र ल्याएका नवीन विचारलाई प्रस्फुटन गर्ने उद्देश्यले प्रतिभा डबली कार्यक्रम ल्याएको उल्लेख गरे।
प्रथम, द्वितीय र तृतीय हुने प्रतिस्पर्धीहरूलाई ५० हजार, ४० हजार र ३० हजारसँगै सम्मान पत्रद्वारा सम्मान गरिएको थियो भने छ जना सहभागी प्रतिस्पर्धीहरूलाई प्रशंसापत्र हस्तान्तरण गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790590624.png)
-1786602170.png)
