नयाँ दिल्ली– शाहरुख खानको अघिल्लो फिल्म ‘पठान’ले बक्स अफिसमा रेकर्ड तोडेको थियो।
‘पठान’ अहिलेसम्मकै सबैभन्दा धेरै कमाउने फिल्ममा दोस्रो स्थानमा छ। शाहरुख खानको अघिल्लो फिल्म ‘पठान’ले पनि विश्वभर १ हजार ४६ करोड कमाएर इतिहास रचेको थियो।
आमिर खानको फिल्म ‘दंगल’ अझै पनि १९ सय २४ करोड कमाएर पहिलो स्थानमा छ।
अब शाहरुख खान अर्को नयाँ कीर्तिमान बनाउने तयारीमा छन्। शाहरुख खानले बलिउडका सुपरहिट निर्देशक राजकुमार हिरानीसँग फिल्म सुरु गरेका छन्। फिल्मको नाम ‘डङ्की’ हो।
आईएमडीबीका अनुसार यो फिल्म गैरकानूनी माध्यमबाट अन्य देशमा प्रवेश गर्न खोज्ने मानिसहरुको कथा हो। फिल्मको कथा पनि यही विषयसँग जोडिएको छ।
राजकुमार हिरानी आफ्नो कीर्तिमानी कमाई गर्ने फिल्मका लागि परिचित छन्। राजकुमारका ‘मुन्नाभाई एमबीबीएस’देखि पीकेसम्मका धेरै फिल्म सुपरहिट मात्र भएनन्, आइकोनिक पनि भए।
अब रकुमार हिरानी सुपरस्टार शाहरुख खानसँग फिल्म बनाउँदैछन्। फिल्ममा शाहरुखसँगै तापसी पन्नु, वामन इरानी पनि देखिनेछन्। फिल्म आगामी डिसेम्बर २२ मा हलमा रिलिज हुँदैछ।
राजकुमार हिरानीका अहिलेसम्मका अधिकांश फिल्मले कीर्तिमानी कमाइ गरेका छन्। ‘मुन्नाभाई एमबीबीएस’ र ‘थ्रीडियट’ जस्ता फिल्मले कमाईका धेरै रेकर्ड तोडेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
