मुम्बई– निर्देशक अनिल शर्माको ‘गदर–एक प्रेम’ कथा २२ वर्षपछि हलमा रिलिज भएको बेला निर्माता–निर्देशक सञ्जय लीला भन्साली पनि चर्चामा आएका छन्।
भन्सालीका फिल्मलाई दर्शकले पर्खिरहेका छन्। तर उनको एउटा फिल्म थ्रीडीमा तयार भएको पाँच वर्षभन्दा बढी भइसक्यो।
अहिलेसम्म सिनेमाघरमा आउन सकेको छैन। जबकि भन्साली आफैंले आफ्नो होम प्रोडक्शन फिल्म ‘शीरिन फरहाद की तो निकल पडी’को रिलिजको क्रममा आधिकारिक रूपमा आफ्नो थ्रीडी फिल्म रिलिज गर्ने घोषणा गरे।
रिलिज हुन नसकेको त्यो फिल्म ‘देवदास’ (२००२) को थ्रीडी संस्करण हो। यो सुपरहिट फिल्ममा शाहरुख खानले देवदासको भूमिका, ऐश्वर्या राय बच्चनले चन्द्रमुखी र माधुरी दीक्षितले पारोको भूमिका निभाएकी थिइन्। यो भन्सालीको महत्वाकांक्षी प्रोजेक्ट थियो। तर उनको उत्तिकै ठूलो महत्वाकांक्षा देवदासलाई ठूलो पर्दामा थ्रीडीमा हेर्ने थियो।
सन् २०१५ मा भन्सालीले देवदासलाई थ्रीडीमा रिलिज गर्ने तयारी गर्दैछन् भन्ने समाचार आउन थालेका थिए। यसपछि भन्साली आफैंले भनेका थिए, ‘मलाई लाग्छ कि यो फिल्म थ्रीडीमा आउन योग्य छ र यो ढाँचामा कति राम्रो देखिन्छ भन्ने लाग्छ।’
मार्केटिङमा काम
भन्सालीको योजना देवदासको १५ वर्ष पूरा भएपछि २०१७ मा थ्रीडीमा ल्याउने थियो। त्यसमा काम पनि भइसकेको थियो। फिल्मलाई पूर्णतया थ्रीडी ढाँचामा बनाइएको बताइएको छ। यो फिल्मको मार्केटिङमा पनि काम भएको छ।
थ्रीडीको अन्तर्राष्ट्रिय बजार ठूलो रहेको र सबै हलिउड चलचित्र अब थ्रीडीमा आउने गरेको फिल्म स्रोतलाई उद्धृत गर्दै रिपोर्ट आएको थियो। यो चलचित्रलाई अंग्रेजीमा डब गरेर बजार समेट्ने योजना निर्माण पक्षले बनाएको छ। ‘बाहुबली’ले गर्न नसकेका काम गर्ने निर्माताले बताएका छन्। ‘बाहुबली’ थ्रीडीमा रिलिज भएको थिएन।
तय भएर पनि भन रिलिज
०१७ जुलाई १२ मा देवदास थ्रीडी रिलिजको मिति पनि आयो। भन्सालीले एक अन्तर्वार्तामा देवदासको थ्रीडी संस्करण बनाउन सक्दो प्रयास गरेको र यसलाई भव्य कार्यक्रममा रिलिज गरिने बताए। तर यस्तो हुन सकेको छैन।
फिल्मको चर्चा विस्तारै चिसो हुँदै गयो र भन्सालीको देवदास थ्रीडीमा तयार भएपछि रिलिज हुन नसकेको कुरा कसैलाई थाहा भएन।
भन्साली र फिल्मका निर्माता इरोसबीच केही सहमति नभएका कारण अहिलेसम्म फिल्म रिलिज हुन नसकेको बताइएको छ।
जबकि फिल्म तयार भएको पाँच वर्षभन्दा बढी भइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
