मेगा बजेट फिल्म ‘आदिपुरुष’ १६ जुन २०२३ मा हलमा रिलिज हुँदैछ। प्रभास, कृति सेनन र सैफ अली खानको फिल्म 'आदिपुरुष' लाई 'कार्तिकेय २' र 'द कश्मीर फाइल्स'का निर्माताहरूबाट प्रि-रिलिज उपहार प्राप्त भएको छ।
निर्माताले ‘आदिपुरुष’ को १० हजार टिकट किनेर चन्दा दिने निर्णय गरेका छन्। 'आदिपुरुष' महाकाव्य रामायणबाट प्रेरित छ, जहाँ यो कथा फेरि एक पटक भिएफएक्ससँग देखाइनेछ। यो फिल्मलाई ‘तानाजी’ फेम ओम राउतले निर्देशन गरेका हुन्।
‘कार्तिकेय २’का निर्माता अभिषेक अग्रवालले बुधबार प्रभासको ‘आदिपुरुष’ को १० हजार टिकट दिने घोषणा गरेका छन्। उनले यसबारे ट्वीटरमा आधिकारिक पोस्ट समेत गरेका छन्।
उनी लेख्छन्, ‘आदिपुरुष मनाउने अवसर हो। श्री राममा मेरो भक्ति र विश्वासको कारण, मैले 'आदिपुरुष' को लागि १० हजार टिकटहरू किन्न र तेलंगानाको सरकारी विद्यालय, अनाथालय र वृद्धाश्रमहरूमा दान गर्ने निर्णय गरेको छु।’
अभिषेक अग्रवालको यो कदममा प्रभासको प्रतिक्रिया पनि आएको छ। उनले लेखेका छन्, 'सर, यो वास्तवमै सराहनीय कदम हो।'
'आदिपुरुष'का निर्माताहरूले प्रत्येक थिएटरमा हनुमान जीको लागि एक सीट खाली राख्ने घोषणा गरेका छन्।
‘आदिपुरुष’को बजेट ५ सय करोड छ। यो १६ जुन २०२३ मा रिलिज हुँदैछ।
बलिउड हंगामाको रिपोर्ट अनुसार ‘आदिपुरुष’ले रिलिज अघि नै ४ सय ३२ करोडको व्यापार गरिसकेको छ। स्याटेलाइट, डिजिटल राइट्स र ब्राण्ड भ्यालुका कारण यो नाफा निर्माताले सुनाएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779449565.png)
-1779445578-1779446181.jpg)
-1764146706.png)
