तेस्रो दक्षिण एशियाली योग खेलकुद बिहीबारबाट

अन्य

नेपाल लाइभ बुधबार, जेठ २४, २०८० १८:३३

फाइल तस्बिर

काठमाडौं– तेस्रो दक्षिण एशियाली योग खेलकुद प्रतियोगिता बिहीबारबाट आयोजना हुने भएको छ। राजधानीमा बुधबार आयोजक नेपाल योग खेलकुद संघले पत्रकार सम्मेलनको आयोजना गरेर बिहीबारबाट दक्षिण एशियाली खेलकुद प्रतियोगिता आयोजना गर्ने जनाएको हो।

तीन दिनसम्म चल्ने प्रतियोगितामा दक्षिण एशियाका देशहरुले सहभागिता जनाउने छन्। प्रतियोगितामा पाकिस्तान आन्तरिक कारण उपस्थित नहुने आयोजकले पत्रकार सम्मेलनमा जानकारी दिएको छ।

यस्तै दोस्रो दिन माउन्ट एभेरेष्ट योग फेस्टिभल्स च्याम्पियनसिप हुनेछ। यस च्याम्पियसिपमा पाँचै महादेशका योग खेलाडीहरुले सहभागिता जनाउने नेपाल योग खेलकुद संघका अध्यक्ष प्राडा सूर्यबहादुर कार्कीले जानकारी दिए।

प्रतियोगिताको पहिलो दिन २५ गते उद्घाटन सत्र हुनेछ। प्रतियोगिताको उद्घाटन राष्ट्रिय खेलकुद परिषद्का सदस्य सचिव टंकलाल घिसिङले गर्ने कार्यक्रम रहेको छ।

उद्घाटनकै दिन दक्षिण एशियाली प्रतियोगिता सञ्चालन हुनेछ भने २६ गते दुवै प्रतियोगिता आयोजना हुनेछ। यस्तै प्रतियोगिताको समापन २७ गते हुनेछ। दक्षिण एशियाली खेलकुदमा २ सय भन्दा बढी खेलाडीले सहभागिता जनाउनेछन् भने माउन्ट एभरेष्ट च्याम्पियनसिपमा २ सय ३ सय खेलाडीले सहभागिता जनाउने छन्।

प्रतियोगिता तिलगंगास्थित नेपाल–भारतमैत्री धर्मशालामा दिउँसो २ बजेटबाट हुनेछ। प्रतियोगिताका लागि कूल ३० लाख अनुमानित खर्च रहेको छ। विभिन्न विधामा प्रतिष्पर्धा हुने प्रतियोगिताको विजेतालाई ट्रफी, मेडल र प्रमाणपत्रसहित नगद पुरस्कृत गरिने आयोजकले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित