भारतको ओडिशामा रेल दुर्घटना हुँदा २३३ जनाको मृत्यु, ९ सय बढी घाइते

विश्व

नेपाल लाइभ शनिबार, जेठ २०, २०८० ०७:३१

काठमाडौं- भारतको ओडिशामा रेल दुर्घटना हुँदा २ सय ३३ जना यात्रुको मृत्यु भएको छ भने ९ सय जनाभन्दा बढी घाइते भएका छन्। ओडिशा राज्यको बालासोर जिल्ला नजिकै शुक्रबार भएको रेल दुर्घटनामा २२३ यात्रुको मृत्यु भएको र ९ भन्दा बढी घाइते भएको भारतीय सञ्चारमाध्यमहरुले समाचार लेखेका छन्।

बीबीसी हिन्दी सेवाका अनुसार हावडा-चेन्नई कोरोमण्डल एक्सप्रेस रेल अर्को मालगाडीसँग ठोक्किएर दुर्घटना भएको थियो। साथै, अर्कोतर्फबाट आउँदै गरेको यशवंतपुर-हावडा सुपरफास्ट रेल पनि ठोक्किएको थियो। एकै ठाउँमा तीन वटा रेल ठोक्किएको समाचारमा जनाइएको छ।

ओडिशाका मुख्य सचिव प्रदीप जेनाले ट्विट गर्दै दुर्घटनामा मृत्यु हुनेको संख्या २३३ पुगेको पुष्टि गरेका छन्। उनले दुर्घटनामा परी करिब ९ सय जना घाइते भएको पनि जनाएका छन्।

भारतका रेलमन्त्री अश्विनी वैष्णव आफैं दुर्घटनास्थल पुगेका छन्। उनले ट्वीट गर्दै दुर्घटनाप्रति गहिरो दुःख व्यक्त गर्दै मृतकका आफन्तलाई १० लाख रुपैयाँ क्षतिपूर्ति दिने घोषणा गरेका छन्। यसका साथै उनले गम्भीर घाइतेलाई २ लाख र सामान्य घाइतेलाई ५० हजार रुपैयाँ दिने घोषणा गरेका छन्।

ओडिशाका मुख्यमन्त्री नवीन पटनायकले शनिबार एक दिन राज्य शोकको घोषणा गरेका छन् भने भारतीय प्रधानमन्त्री नरेन्द्र मोदीले दुर्घटनाप्रति दु:ख व्यक्त गरेका छन्।

नेपालका प्रधानमन्त्री पुष्पकमल दाहाल प्रचण्डले ओडिशा रेल दुर्घटनाप्रति दुःख व्यक्त गरेका छन्। ट्विट गर्दै प्रधानमन्त्री प्रचण्डले दुर्घटनाप्रति दु:ख व्यक्त गरेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

महाकाली सिँचाइ तेस्रो चरणले गति लिँदै

लोकतन्त्रको संरक्षण एवं न्यायपूर्ण समाज निर्माणमा न्याय र कानुन जगतको दायित्व : राष्ट्रपति पौडेल

जाकाराण्डा फूलको संरक्षण गर्दै ललितपुर महानगर