काठमाडौँ– गत वैशाख २९ गते रिलिज भएको नेपाली चलचित्र 'हल्कारा'ले उत्कृष्ट प्रतिक्रियाका बाबजुद दर्शकको उपस्थिति न्यून भयो।
दोश्रो हप्ता पुग्दा प्रायः हलहरुबाट निस्केको यो चलचित्र सुन्धारास्थित सिटिसि मलमा रहेको 'सिडिसि सिनेमा'मा भने साँझ ५:३० बजेको शो चलिनै रह्यो। पूरै दोश्रो हप्ता एक मात्र हलमा चलेको 'हल्कारा' तेश्रो हप्ताको शनिबार सिडिसि सिनेमा कै अर्को हलमा समेत थपियो।
यो क्रम अब अर्को चलचित्र हल विश्वज्योति हलसम्म पुगेको छ।
गणतन्त्र दिवसको दिन रिलिजको तेश्रो हप्ताको सोमबारदेखि विश्वज्योति हलमा साँझ ६ बजेको शो थपिएको छ। विश्वज्योती हलका म्यानेजर रविन पौडेलले लगातार सोधिन थालेपछि शो राखेको बताए।
उनले भने, ‘विश्वज्योतिबाट पहिले नै उत्रिएको भएतापनि पछिल्ला केहि दिनयता लगातार दर्शकहरुको सोधपुछ आउन थालेपछि शो राखेका हौँ। सोमबार सानो हलमा राखिएको शो लगभग हाउसफुल भईसकेको छ। मंगलबारदेखि ठूलो हलमा पनि रिलिज गर्दैछौँ।’
त्यस्तै, सिडिसी सिनेमाका सञ्चालक जीवन शाक्यले आफ्नो हलमा लगातार सफल रुपमा 'हल्कारा' चलिरहेको बताए। उनले कहिलेकाहिी दुई शो समेत चलिरहेको बताए।
चलचित्रका निर्देशक विक्रम सापकोटाले ढिलै भए पनि दर्शकको रोजाइमा परेकोमा खुशी व्यक्त गरे। उनले भने, ‘मैले सोचेको थिएँ। प्रतिक्रियाका आधारमा पहिलो हप्ता नै दर्शकहरुको चाप बढ्नेछ, दुर्भाग्यवश त्यसो हुन सकेन तेश्रो हप्तामा आइपुग्दा भने नसोचेको भइरहेको छ।’
अभिनेता महेश त्रिपाठीले ढिलै भएपनि दर्शकको चासो बढेकोमा दंग रहेको प्रतिक्रिया दिए।
प्रदर्शनपूर्व नै अन्तर्राष्ट्रिय स्तरमा चर्चा र केही प्रतिष्ठित फिल्म फेस्टिभलहरूमा अवार्ड हात परेको यो चलचित्रले समीक्षकहरुको उत्कृष्ट प्रतिक्रिया पाएको छ।
यस चलचित्र हल्कारामा महेश त्रिपाठीको मुख्य भूमिका रहेको छ भने विनिता थापामगर, प्रकाश दाहाल , स्व. दीपक क्षेत्री , शारदा गिरी ,पशुपति राई लगाएतको अभिनय रहेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
