काठमाडौं- दुई संस्करणको च्याम्पियन तथा घरेलु टोली नेपाल एनएससी काभा महिला भलिबल च्यालेन्ज कपको सेमिफाइनलमा पराजित भएको छ।
एसियाको छैटौं वरीयताको काजकस्तानसँग बलियो प्रतिष्पर्धा गरेको नेपाल २–३ को सेटमा पराजित हुँदै बाहिरिएको हो। त्रिपुरेश्वरस्थित राष्ट्रिय खेलकुद परिषद (राखेप)को कभर्डहलमा शुक्रबार भएको खेलमा पहिलो सेट गुमाएको नेपालले त्यसपछि लगातार दुई सेट जित्दै सम्भावना देखाएको थियो।
चौथो सेट गुमाएपछि खेल पाँचौं सेटमा पुग्यो। पाँचौं सेटमा नेपालको लय झन् खराब रह्यो। अब काजकस्तानले उपाधिका लागि भारतको सामना गर्नेछ। भारतले शुक्रबारै उज्वेकिस्तानलाई ३–० को सोझो सेटमा हराएर फाइनलमा प्रवेश गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
