सुरक्षा/अपराध

नक्कली शरणार्थी प्रकरण: गृहमन्त्रीसहित प्रहरीका उच्च अधिकारीबीच गृह मन्त्रालयमा छलफल

नेपाल लाइभ बुधबार, जेठ १०, २०८० १३:३५

काठमाडौं– नेपाल प्रहरीका उच्च अधिकारीहरु गृह मन्त्रालय पुगेका छन्। प्रहरी महानिरीक्षक बसन्त बहादुर कुँवरसहित अतिरिक्त महानिरीक्षक (एआईजी)हरु पनि गृह मन्त्रालय पुगेका हुन्।

उपप्रधान तथा गृहमन्त्री नारायणकाजी श्रेष्ठले छलफलका लागि बोलाएपछि उनीहरु गृह मन्त्रालय पुगेका हुन्। गृह मन्त्रालय स्रोतका अनुसार अहिले गृहमन्त्री श्रेष्ठ र प्रहरीका उच्च अधिकारीहरुको बैठक जारी छ।

भुटानी शरणार्थी बनाएर अमेरिका पठाइदिने भन्दै नेपाली नागरिकबाट पैसा उठाएर भएको ठगी प्रकरणमा प्रहरी महानिरीक्षककै भूमिकाबारे प्रश्न उठेपछि गृहमन्त्रीले उच्च अधिकारीहरुलाई छलफलका लागि बोलाएका हुन्।

प्रहरी अनुसन्धानका क्रममा हालका प्रहरी महानिरीक्षक कुँवरले शरणार्थी प्रकरणलाई सुरुदेखि नै ‘सामसुम पार्न भूमिका खेलेको’ तथ्य फेला परेको छ। प्रहरी महानिरीक्षकको भूमिकालाई लिएर संसद्‌मा समेत प्रश्न उठेको छ।

यो पनि पढ्नुहोस

शरणार्थी प्रकरणमा अनुसन्धान गर्नुको सट्टा फाइल नै घर लगेर ‘लुकाएका’ थिए आईजी कुँवरले

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

करको बक्यौता उठाउन घरघरमा पत्र

मधेश सरकारले आज बलिदानी दिवस मनाउँदै

दुई सय बढी बालबालिका विद्यालय जान छाडे