काठमाडौं – निर्माण व्यवसायी महासंघका अध्यक्ष शरदकुमार गौचनको हत्याको घटनाबारे अनुसन्धान गर्न समिति गठन गरिएको छ।
प्रहरी प्रधान कार्यालय र महानगरीय प्रहरी परिसरले छुट्टाछुट्टै रुपमा समिति गठन गरेका हुन् । दुवै समिति पाँच-पाँच सदस्यीय रहेका छन्।
महानगरीय प्रहरीले अपराध महाशाखा प्रमुख एसएसपी दिवेश लोहनीको कमाण्डमा समिति गठन गरेको हो । यस्तै, प्रहरी प्रधान कार्यालयले केन्द्रीय अनुसन्धान ब्युरोका एसएसपी शेरबहादुर बस्नेत र महाशाखाका डिएसपी अजय केसीसहितको अर्को समिति गठन गरेको छ।
दुवै समितिले सोमबारबाटै अनुसन्धान सुरू गरेका छन् ।
निर्माण व्यवसायी महासंघका अध्यक्ष गौचनको सोमबार अपराह्न नयाँ बानेश्वरको खरीबोटस्थित प्रयाग चोकमा गोली हानी हत्या भएको थियो।
सम्बन्धित समाचार:
बानेश्वरमा निर्माण व्यवसायी महासंघका अध्यक्ष गौचनको गोली हानी हत्या
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
