काठमाडौं– फिल्म ‘हल्कारा’ गत शुक्रबारदेखि हलहरूमा प्रदर्शन भइरहेको छ। तर फिल्मलाई पर्याप्त सो नदिइ अन्याय गरेको भन्दै निर्माण टिमले आपत्ति जनाएको छ।
फिल्मका निर्देशक विक्रम सापकोटाले क्युएफएक्समा फिल्मका शोहरू अनुपयुक्त समयमा राखिएको भन्दै आपत्ति जनाएका हुन्। फिल्मले राम्रो समीक्षा पाइरहँदा पनि कतिपय ठाउँमा दर्शकहरूले चाहेर पनि हेर्न नपाएका उनको भनाइ छ।
‘सिनेमाको अधिवक्ताको रूपमा, म सिनेमा हलहरू जीवित राख्नुको महत्त्वमा दृढ विश्वास गर्छु। तर, थिएटरहरूले सिनेमा हल्कारालाई बेवास्ता गर्दै यो चलचित्रका लागि प्रतिकूल र असामान्य प्रदर्शन समय दिने गरेको देखिन्छ,’ उनले फेसबुकमार्फत् दु:खेसो पोखेका छन्, ‘यो भेदभाव अस्वीकार्य छ। हामीले हलिउड र बलिउडका चलचित्रहरू जस्तै राम्रो चलचित्र निर्माण गरेका छौं, तर पनि थिएटरहरूले मानिसहरूलाई हेर्नको लागि अनुपयुक्त शो टाइमहरू अनुसूचित गरेर हाम्रो प्रयासलाई कमजोर पारिरहेका छन्।’
फिल्मका अभिनेता महेश त्रिपाठीले हलले बुकिङ पनि खुला नगरेको गुनासो गरे।
‘फिल्म हेर्न नपाएकाहरूले म्यासेज गरिरहनुभएको छ। कति ठाउँमा हेर्न गएकाहरूले पनि हेर्न नपाइ फर्किनुपरेको सुन्दा दु:ख लागिरहेको छ। फिल्मको पो अपायक समयमा छ। हेर्न चाहनेहरूको लागि उपयुक्त समय छैन। यो त फिल्मलाई अन्या गरियो,’ त्रिपाठीले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1779545841.jpg)
