काठमाडौं- नियमित कसरतले मानिसको शारीरिक तथा मानसिक स्वास्थ्यलाई फाइदा पुग्छ। स्वास्थ्य राम्रो हुन्छ भन्ने जान्दाजान्दै पनि कतिपयले कसरत गर्न अल्छी गरिरहेका हुन्छन् भने कतिपयलाई कसरत गर्ने तरिका नै थाहा हुँदैन। यस्ता छन् कसरत गर्ने तरिका:
१. एकै टक व्यायाम नगर्ने- एकै टकमा धेरै प्रकारका कसरत गर्नुपर्छ भन्ने हुँदैन। बिहान,दिउँसो र साँझ १०/१० मिनेट गरेर प्रत्येक दिन ३० मिनेट कसरत गर्ने हो भने शरीरलाई फाइपुग्छ।
२.साथीसँग व्यायाम गर्ने- साथीसँग कसरत गर्दा तपाईंलाई ट्र्याकमा रहन र नियमित कसरत गर्न मद्दत हुन सक्छ।
३. छिटो हिँड्ने- यदि तपाईं हिँड्दै हुनुहुन्छ भने छिटो हिँड्ने बानी बसाल्नुहोस्। यसले तपाईंको तौल नियन्त्रण गर्न सहयोग गर्छ।
४. खाना खानुभन्दा अघि हिँड्नुहोस्- खाना खानुअघि कम्तीमा २० मिनेट पैदल हिँड्नाले तपाईंलाई ऊर्जावान राख्न मद्दत गर्छ।
५. स्टेप काउन्टरहरु सेट गर्नुहोस्- हिँड्दा या कसरत गर्दा आफ्नो गोल सेट गर्ने हो भने त्यसले आफैंलाई उत्प्रेरणा मिल्न सक्छ।
६. स्क्रिन टाइम घटाउनुहोस्- घरमा बस्दा फोन चलाउने, टिभी हेर्ने जस्ता बानीहरु कम गर्ने, वरपर हिँड्ने, चौरमा पल्टिने लगायतका कुराहरु गर्नाले नयाँ ऊर्जा मिल्न सक्छ।
७. फुर्सदको समयलाई उपयोग गर्नुहोस्- टिभी हेर्दा साधारण अभ्यास गर्ने प्रयास गर्न सकिन्छ। वा काममा रिमाइन्डर सेट गरेर बीचबीचमा उठेर केही मिनेट हिँड्नुहोस्।
८. योगा या फिटनेसको क्लास सुरु गर्नुहोस्- समय अनुकुल भएसम्म योग या जिमको कक्षा सुरु गर्न सकिन्छ। होइन भने इन्टरनेट हेरेर योग या ध्यान गर्ने अभ्यास घरमै पानी गर्न सकिन्छ।
९. कसरत गर्ने समय छुट्याउने- जतिसुकै व्यस्तता भए तापनि हरेक दिन केही समय कसरतको लागि छुट्याउन सकिन्छ।
१०. आफैंलाई पुरस्कार दिनुहोस्- छोटो अवधिको केही लक्ष्यहरू सेट गर्नुहोस् र तिनीहरूलाई पूरा गर्नुहोस्। जसको लागि आफैंलाई पुरस्कार दिनुहोस्। आफैंले आफैंलाई सेलिब्रेट गर्नाले तपाईंलाई नियमित उक्त कुरा गरिरहने बानी बस्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1775812183.jpg)
-1779545841.jpg)
