पोस्टबहादुर बोगटी स्मृति कप राष्ट्रिय पुरुष भलिबल मंगलबारदेखि

अन्य

नेपाल लाइभ शुक्रबार, चैत २४, २०७९ १७:५०

काठमाडौं– पोष्टबहादुर बोगटी स्मृति कप राष्ट्रिय पुरुष भलिबल प्रतियोगिता मंगलबारदेखि हुने भएको छ।

पोष्टबहादुर बोगटी स्मृति प्रतिष्ठानले शुक्रबार काठमाडौंमा पत्रकार सम्मेलन गर्दै प्रतियोगिता चैत २८ देखि आउँदो वैशाख २ गतेसम्म आयोजना गर्ने जानकारी दिएको हो।

खेलाडीको क्षमता वृद्धि र भलिबलको सर्वाङ्गिण विकासमा टेवा पुर्‍याउने उद्देश्यका साथ प्रतियोगिता आयोजना गर्न लागिएको प्रष्ठिानले जनाएको छ। प्रतियोगितामा तीन विभागीयसहित गण्डकी, लुम्बिनी र सुदूरपश्चिम गरी कुल ६ टोलीले प्रतिस्पर्धा गर्ने प्रतिष्ठानका महासचिव निर्मल आचार्यले जानकारी दिए।

त्रिपुरेश्वरस्थित राष्ट्रिय खेलकुद परिषद्को कभर्डहलमा आयोजना हुने प्रतियोगिता ५ दिनसम्म सञ्चालन हुनेछ। लिगकप नकआउटको आधारमा आयोजना हुने प्रतियोगिताको विजेताले ४ लाख तथा उपविजेताले २ लाख रुपैयाँ प्राप्त गर्नेछन्।

यस्तै, तेस्रो हुने टोलीले नगद १ लाख रुपैयाँ प्राप्त गर्दा सान्त्वना टोली ५० हजार रुपैयाँबाट पुरस्कृत हुनेछ। विधागत उत्कृष्ट सर्भर, लिबेरो, स्पाइकर, ब्लकर, सेटर र प्रशिक्षकले जनही १० हजार रुपैयाँ पाउनेछन् भने सर्वोत्कृष्ट खेलाडीले १५ हजार रुपैयाँ पाउनेछ।

प्रतियोगिता आयोजना गर्न अनुमानित कुल ५२ लाख रुपैयाँ लाग्ने प्रतियोगितालाई राखेपले २० लाख रुपैयाँ प्रदान गर्नेछ भने बाँकी रकम विज्ञापन र प्रतिष्ठानबाट जुटाउने प्रतिष्ठानले जानकारी दियो।

कार्यक्रम सफल बनाउनका लागि नेपाल भलिबल संघका अध्यक्षले प्राविधिक रुपमा सहयोग गर्ने प्रतिवद्धता जनाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

७ समूहलाई सगरमाथा आरोहणको अनुमति

श्रम शोषण भएको भन्दै प्रदर्शनमा उत्रिए आवासीय चिकित्सक (तस्बिरहरु)

विद्यालय शिक्षा ऐन जारी गर्न सिठ्ठी फुक्दै शिक्षकहरुले गराए सरकारको ध्यानाकर्षण