फाइल तस्बिर।
काठमाडौं– १० दलीय सत्ता गठबन्धनले बिहीबार साँझ ५ बजे सरकारको न्यूनतम साझा कार्यक्रम सार्वजनिक गर्ने भएको छ। बिहीबार बिहान प्रधानमन्त्रीको सरकारी निवास बालुवाटारमा बसेको १० दलीय गठबन्धनले यस्तो निर्णय गरेको हो।
बैठकपछि सञ्चारकर्मीहरूसँग कुरा गर्दै नेकपा (माओवादी केन्द्र) का महासचिव देवप्रसाद गुरुङले गठबन्धनका दलहरूबीचमा सरकारको न्यूनतम साझा नीति तथा कार्यक्रमको बारेमा सैद्धान्तिक र नीतिगत विषयमा सहमति जुटेको बताए।
उनले साना केही सुझावहरू बिहीबार बेलुकी ५ बजेसम्म दल र नेताहरूले दिनसक्ने र ५ बजे सरकारको न्यूनतम साझा कार्यक्रम सार्वजनिक सार्वजनिक गर्ने निर्णय बताए।
‘राजनीतिक दलहरूको बीचमा सरकारको न्यूनतम साझा नीति तथा कार्यक्रमको बारेमा सैद्धान्तिक नीतिगत विषयमा छलफल भयो। मोटामोटी रुपमा सहमति भएको छ, सबै बीचमा। सानातिना सुझावहरू केही भए आज बेलुकासम्म दिने र सार्वजनिक गर्ने समय साँझ ५ बजे निर्धारित भएको छ’, उनले भने, ‘लोकतन्त्र, राष्ट्रियता, जनजीविकासँग जोडिएको बारेमा, सुशासनका बारेमा मुलभूत रुपमा सहमति भएको छ।’
प्रचण्ड नेतृत्वको सरकारले दोस्रोपटक न्यूनतम साझा कार्यक्रम सार्वजनिक गर्न लागेको हो। यसअघि नेकपा एमालेसहितको गठबन्धन छँदा पुस २५ मा सरकारको न्यूनमत साझा कार्यक्रम सार्वजनिक भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778036869.gif)
-1764146706.png)
-1779545841.jpg)
